Qaraǵandy politseileri transulttyq qylmystyq toptyń jolyn kesti, dep habarlaidy "Ult aqparat".
Qylmystyq topty ustaý barysynda olardan 70 keli sintetikalyq esirtki men 3,5 tonna prkýrsorlar tabyldy. Uiymdasqan top elimizdiń 5 oblysynda júikege áser etetin zattardy saýdalaýmen ainalysqan.
Esirtki zattarynyń zańsyz ainalymymen ainalysatyn tulǵalardy anyqtaý jáne ustaý maqsatynda Qaraǵandy oblysy Politsiia departamentiniń basshylyǵy arnaiy jedel-tergeý tobyn qurdy. Olardyń jumysynyń nátijeleri boiynsha QR IIM Esirtki qylmysyna qarsy is-qimyl departamentiniń kómegimen Qazaqstan Respýblikasynyń 5 oblysynyń aýmaǵynda jumys isteitin 5 esirtki zerthanasyn qurýǵa qatysy bar 10-nan astam adam ustaldy.
«Qylmystyq isti tergeý barysynda osy zerthanalardy uiymdastyrýshylar Qazaqstan Respýblikasynan tys jerde bola otyryp, Qazaqstan Respýblikasynyń, Resei Federatsiiasynyń, TMD elderiniń jáne alys shetelderdiń aýmaǵynda psihotroptyq zattardy daiyndaýmen, saqtaýmen, tasymaldaýmen jáne ótkizýmen ainalysatyn transulttyq uiymdasqan top qurǵany anyqtaldy. Sondai-aq, «Telegramm» jáne «Signal» messendjerleri arqyly Qazaqstan aýmaǵynda jumys isteitin qurylymdyq bólimshesin basqarýmen jáne úilestirýmen ainalysqan», - dep atap ótti Politsiia departamentiniń basshysy Erlan Faizýllin.
Transulttyq uiymdasqan qylmystyq top kýratorlary psihotroptyq zattardy shetelden Qazaqstan Respýblikasyna jetkizý arnasyn uiymdastyrǵan, psihotroptyq zat suiyq bolǵan jáne avtomobil mailary men qosalqy bólshekter, alkogoldi ishimdikter, turmystyq zattardyń, maily radiatorlar men órt sóndirgishterdiń ishine quiylyp logistikalyq firmalar arqyly tasymaldanǵan.
Transulttyq uiymdasqan toptyń qatysýshylarynan qurǵaq jáne suiyq túrinde alynǵan sintetikalyq esirtkilerdiń jalpy sany 70 keliden astam daiyn zatty jáne 3,5 tonnadan astam prekýrsorlardy quraidy.
Transulttyq uiymdasqan topty uiymdastyrý jáne basshylyq etý faktisi boiynsha QR QK 264-babynyń 1 jáne 2-tarmaqtary negizinde sotqa deiingi tergeý bastaldy. Tergeý amaldary júrgizilip jatyr.
