Foto: ashyq derekkóz
Qarjy monitoringi agenttiginiń Qaraǵandy oblysy boiynsha departamenti «Úmit Samǵaý» qarjy piramidasyn uiymdastyrý jáne oǵan basshylyq etý deregi boiynsha sotqa deiingi tergeý júrgizip jatyr, dep habarlaidy Ult.kz.
Belgili bolǵandai, kompaniia óz qyzmetin qaiyrymdylyq jobasy túrinde kórsetip, jalǵyzbasty analar men kópbalaly, az qamtylǵan otbasylarǵa kómek beremiz degen jeleýmen jumys istegen.
Uiymdastyrýshylar azamattarǵa salǵan qarajatynan 300%-dan 800%-ǵa deiin tabys tabýǵa ýáde berip, túrli «salym túrlerin» usynǵan. Salym neǵurlym kóp bolsa, tabys ta soǵurlym joǵary bolatyny aitylǵan.
Alaida tólemder naqty kásipkerlik qyzmetten emes, jańa qatysýshylardyń qarajaty esebinen júrgizilgen. Bul klassikalyq qarjy piramidasynyń belgisi bolyp tabylady.
Tergeý málimetinshe, uiymdastyrýshy óz týystary men tanystaryn “dropper” retinde tartyp, olardyń atyna tirkelgen banktik kartalar arqyly aqsha jinaǵan.
Qazirgi tańda 400-den astam azamat zardap shekken, al jinalǵan qarajattyń jalpy kólemi 100 million teńgeden asty.
Sot sheshimimen kúdiktiniń páteri men avtokóligine tyiym salyndy.
Tergeý jalǵasýda.
