Qaraǵandyda kópqabatty úilerdiń birinde besinshi qabatta ornalasqan páter terezesinen 4 jasar bala qulap ketti. Sábi túrli jaraqatpen aýrýhanaǵa jetkizildi, dep habarlaidy "Ult aqparat".
1 tamyz kúni saǵat 23:40-ta Qaraǵandyda kópqabatty úidiń besinshi qabatyndaǵy páterdiń terezesinen 2017 jyly týǵan bala qulap tústi.
Aldyn ala málimet boiynsha, bala eresekterdiń qaraýynsyz qalǵan. Ol Maqajanov atyndaǵy klinikaǵa jetkizildi.
«Balada biraz jaraqat bar - jabyq keýde jaraqaty, oń jaq ókpeniń kógerýi. Eki aiaǵy birneshe jerden jaraqattanǵan. Iek aimaǵynyń kógergen jarasy. Ishtiń jaraqaty. Jaǵdaiy turaqty, qazirgi ýaqytta jansaqtaý bóliminde jatyr», - dep habarlady Qaraǵandy oblysy densaýlyq saqtaý basqarmasynyń baspasóz qyzmeti.
Qutqarýshylardyń aitýynsha, eresekter qaraýynsyz qalý - balalardyń jaraqattanýy men óliminiń negizgi sebebi bolyp otyr.
Osyǵan bailanysty oblystyń TJD qyzmetkerleri ata-analardan kishkentai balasyn muqiiat qadaǵalaýdy, olardy terezesi ashyq úide jalǵyz qaldyrmaýdy suraidy.
