قاراعاندىدا كٶپقاباتتى ٷيلەردٸڭ بٸرٸندە بەسٸنشٸ قاباتتا ورنالاسقان پەتەر تەرەزەسٸنەن 4 جاسار بالا قۇلاپ كەتتٸ. سەبي تٷرلٸ جاراقاتپەن اۋرۋحاناعا جەتكٸزٸلدٸ, دەپ حابارلايدى "ۇلت اقپارات".
1 تامىز كٷنٸ ساعات 23:40-تا قاراعاندىدا كٶپقاباتتى ٷيدٸڭ بەسٸنشٸ قاباتىنداعى پەتەردٸڭ تەرەزەسٸنەن 2017 جىلى تۋعان بالا قۇلاپ تٷستٸ.
الدىن الا مەلٸمەت بويىنشا, بالا ەرەسەكتەردٸڭ قاراۋىنسىز قالعان. ول ماقاجانوۆ اتىنداعى كلينيكاعا جەتكٸزٸلدٸ.
«بالادا بٸراز جاراقات بار - جابىق كەۋدە جاراقاتى, وڭ جاق ٶكپەنٸڭ كٶگەرۋٸ. ەكٸ اياعى بٸرنەشە جەردەن جاراقاتتانعان. يەك ايماعىنىڭ كٶگەرگەن جاراسى. ٸشتٸڭ جاراقاتى. جاعدايى تۇراقتى, قازٸرگٸ ۋاقىتتا جانساقتاۋ بٶلٸمٸندە جاتىر», - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸ.
قۇتقارۋشىلاردىڭ ايتۋىنشا, ەرەسەكتەر قاراۋىنسىز قالۋ - بالالاردىڭ جاراقاتتانۋى مەن ٶلٸمٸنٸڭ نەگٸزگٸ سەبەبٸ بولىپ وتىر.
وسىعان بايلانىستى وبلىستىڭ تجد قىزمەتكەرلەرٸ اتا-انالاردان كٸشكەنتاي بالاسىن مۇقييات قاداعالاۋدى, ولاردى تەرەزەسٸ اشىق ٷيدە جالعىز قالدىرماۋدى سۇرايدى.
