Almaty.tv
Qaraǵandy qalasynda tótenshelikter 17-qabattan sekirmek bolǵan qyzdyń ómirin aman saqtap qaldy, dep habarlaidy Ult.kz Almaty.tv-ǵa silteme jasap.
Qutqarýshylar shuǵyl túrde shatyr arqyly alpenistik qural-jabdyqtardyń kómegimen úidiń terezesine syrttan túsken. Artynsha ózine qol jumsamaq bolǵan jas qyzdy qaýipsiz jerge tartyp alǵan kórinedi. Osylaisha qyraǵy qutqarýshylar qaiǵyly jaǵdaidyń aldyn aldy.
«15 qarashada shamamen túngi saǵat birde politsiia qyzmetkerleri Qaraǵandy qalasynyń Qazybek bi aýdanyndaǵy Respýblika dańǵylynda ornalasqan kópqabatty turǵyn úilerdiń birinde qyz balanyń 17-qabattaǵy páterdiń terezesinen sekirmek bolǵanyn habarlaidy. Oqiǵa ornynan jedel qutqarýshylar 17-qabattan denesi jartylai shyǵyp turǵan qyzdy baiqaidy. Qutqarylǵan azamatsha jedel járdem brigadasyna jetkizildi», – dedi Tótenshe jaǵdailardy joiý basqarmasynyń aǵa injeneri Madiiar Ajakov.
