Almaty.tv
قاراعاندى قالاسىندا تٶتەنشەلٸكتەر 17-قاباتتان سەكٸرمەك بولعان قىزدىڭ ٶمٸرٸن امان ساقتاپ قالدى, دەپ حابارلايدى Ult.kz Almaty.tv-عا سٸلتەمە جاساپ.
قۇتقارۋشىلار شۇعىل تٷردە شاتىر ارقىلى الپەنيستٸك قۇرال-جابدىقتاردىڭ كٶمەگٸمەن ٷيدٸڭ تەرەزەسٸنە سىرتتان تٷسكەن. ارتىنشا ٶزٸنە قول جۇمساماق بولعان جاس قىزدى قاۋٸپسٸز جەرگە تارتىپ العان كٶرٸنەدٸ. وسىلايشا قىراعى قۇتقارۋشىلار قايعىلى جاعدايدىڭ الدىن الدى.
«15 قاراشادا شامامەن تٷنگٸ ساعات بٸردە پوليتسييا قىزمەتكەرلەرٸ قاراعاندى قالاسىنىڭ قازىبەك بي اۋدانىنداعى رەسپۋبليكا داڭعىلىندا ورنالاسقان كٶپقاباتتى تۇرعىن ٷيلەردٸڭ بٸرٸندە قىز بالانىڭ 17-قاباتتاعى پەتەردٸڭ تەرەزەسٸنەن سەكٸرمەك بولعانىن حابارلايدى. وقيعا ورنىنان جەدەل قۇتقارۋشىلار 17-قاباتتان دەنەسٸ جارتىلاي شىعىپ تۇرعان قىزدى بايقايدى. قۇتقارىلعان ازاماتشا جەدەل جەردەم بريگاداسىنا جەتكٸزٸلدٸ», – دەدٸ تٶتەنشە جاعدايلاردى جويۋ باسقارماسىنىڭ اعا ينجەنەرٸ مادييار اجاكوۆ.
