Qaraǵandy jylý elektr ortalyqtarynda shyǵaryndylardy azaitý jumysy kúsheiedi, dep habarlaidy "Ult aqparat" QR Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
«Karaganda Energotsentr» JShS-Qaraǵandy oblysy úshin jylý jáne elektr energiiasynyń negizgi óndirýshisi sanalatyn «Karaganda Energotsentr» JShS 2020 jyly qorshaǵan ortaǵa 39 myń tonna las shyǵaryndylar shyǵarǵan. Ekologiia, geologiia jáne tabiǵi resýrstar ministri óńirge jumys sapary barysynda kásiporynnyń aýany lastaýdy azaitýǵa baǵyttalǵan sharalarymen tanysty.
Atap óteiik, Qaraǵandy JEO-1 jáne JEO-3 jyl saiyn 3 million tonnadan astam kómir jaǵady. Jylý elektr ortalyqtary atmosferaǵa lastaýshy zattardyń shyǵaryndylaryn azaitý maqsatynda 2013-2016 jyldar kezeńinde kúltutqysh qondyrǵylaryn qaita jańartqan. Bul energiia óndirisiniń ulǵaiýymen atmosferaǵa shyǵaryndylardyń shoǵyrlanýyn 76% - ǵa azaitýǵa múmkindik berdi. 2013-2014 jj. kezeńinde Qaraǵandy JEO-3-te atmosferaǵa lastaýshy zattar shoǵyrlanýynyń shyǵaryndylaryna monitoring júrgizý úshin naqty ýaqyt rejiminde baqylaýǵa bolatyn statsionarlyq gazoanalitikalyq keshen ornatyldy.
Degenmen aýaǵa shyǵaryndylardy odan ári azaita túsý úshin energoortalyq tehnikalyq múmkindikti qarastyrýy tiis. Sonymen birge jańa kúl qazandyǵy (zolootval) salynýy kerek.
Maǵzum Myrzaǵaliev jylý elektr ortalyǵy shyǵaryndylardy azaitý maqsatyndaǵy sharalardy úzdiksiz jalǵastyrýdy tapyrdy.
Eske sala ketsek, Ekologiia, geologiia jáne tabiǵi resýrstar ministri Maǵzum Myrzaǵaliev Qaraǵandy oblysyna issaparmen baryp, Ekologiialyq kodeksti túsindirý jónindegi keńes ótkizgen bolatyn.
«Kodekstiń mańyzdylyǵy onyń adam ómiri men densaýlyǵy, qolaily ómir súrý ortasyn qamtamasyz etý, iri jáne shaǵyn biznestiń qyzmetin, olardyń qorshaǵan ortany qorǵaý salasyndaǵy jumysyn retteý siiaqty qoǵamnyń barlyq múddelerin áser etetindiginde», - degen bolatyn Maǵzum Myrzaǵaliev jergilikti jurtshylyqpen kezdesýde.
