Qaraǵandy oblysynyń sybailas jemqorlyqqa qarsy qyzmetiniń servistik ortalyǵyn sońǵy úlgidegi robot tanystyrdy. Bul jóninde Sybailas jemqorlyqqa qarsy is-qimyl agenttiginiń baspasóz qyzmeti habarlady.
Qazaqstan Respýblikasy Sybailas jemqorlyqqa qarsy is-qimyl agenttiginiń bastamasymen óńirlerde sybailas jemqorlyqqa qarsy «Antikor ortalyǵy» ortalyqtary ashylýda. Bul jerde kez kelgen azamat óziniń máselesi boiynsha quqyqtyq kómek ala alady.
«Servistik ortalyq Memleket basshysy jariialaǵan «Halyq únine qulaq asatyn memleket» tujyrymdamasyn iske asyrý aiasynda azamattarǵa qolaily jaǵdai jasap, olarmen jedel ári tiimdi qarym-qatynas jasaýǵa arnalǵan dialogtyq alańnyń rólin atqarady. Kezekti, tórtinshi jemqorlyqqa qarsy ortalyq búgin Qaraǵandy oblysynda agenttik tóraǵasy Alik Shpekbaevtyń jáne oblys ákimi Jeńis Qasymbektiń qatysýymen ashyldy» delingen habarlamada.
Servistik ortalyqtyń kire berisinde qonaqtardy sońǵy úlgidegi sóileitin «Robot» qarsy alyp, ózi erkin júrip «Antikor ortalyǵy» qyzmetimen tanystyrdy.
Servistik ortalyq tutynýshyǵa negizdelgen, uiymdastyrýshylyq mádenieti joǵary Open-space jáne front-ofis formatynda jumys atqarady.
Alik Shpekbaev atap ótkendei, «Servistik ortalyq - sybailas jemqorlyqqa qarsy vedomstvanyń barynsha ashyqtyǵy men qoljetimdiligin qamtamasyz etetin azamattyq qoǵammen jáne buqaralyq aqparat quraldarymen ózara is-qimyl jasaýǵa arnalǵan biryńǵai alań».
Qaraǵandynyń «Antikor ortalygy» eki qabattan boi kótergen: birinshi qabatta resepshn, operatsiialyq zal (kútýshilerge arnalǵan), keńes berýshilerdiń bólmeleri ornalasqan. Ekinshi qabatta press-ortalyǵy, jumys bólmeler jáne «Saryarqa – adaldyq alańy» jobalyq keńsesi mamandarynyń bólmeleri ornalasqan.
Ǵimaratta múmkindigi shekteýli azamattarǵa jaǵdai jasalǵan, arnaiy kóteretin lift bar.
Servistik ortalyqta azamattyq qoǵam, sondai-aq, quqyq qorǵaý jáne arnaiy organdarmen ótken kezdesýden keiin A.Shpekbaev azamattardy qabyldaý júrgizdi.
