Foto: QR TJM
Qazaqstan TJM bólimsheleri Pavlodar oblysynyń aýmaǵyndaǵy dala órtin sóndirdi. Jaǵdaidyń turaqtalýyna bailanysty Baianaýyl aýdany Jeltaý aýylynyń evakýatsiialanǵan 18 turǵyny úilerine oraldy. Bul týraly Ult.kz QR TJM ókilderine silteme jasap habarlaidy.
Qaraǵandy oblysynyń aýmaǵyndaǵy órt oqshaýlandy, órttiń aýdany anyqtalyp jatyr. Qatty ekpindi jel, relefti taýly jáne batpaqty jerler jáne órt oshaqtaryna kirme joldardyń bolmaýy órtti sóndirý jumystaryn qiyndatqany aitylady.
"Qazirgi ýaqytta Qaraǵandy oblysynyń aýmaǵyndaǵy órt oshaqtary sóndirý jumystary jerústi jáne áýe kóligimen júrgizý jumystary jalǵastyrylýda", - deidi TJM ókilderi.
Qaraǵandy oblysynyń Aiyr jáne Atantai eldi mekenderi aýdanyndaǵy órtti sóndirýge 2 jaýyngerlik ýchaske anyqtaldy.
QR TJM Komandalyq ortalyǵy men oblystardyń TJD jedel shtabtary táýlik boiy jumys istep jatyr.
Qazirgi ýaqytta órt sóndirý jumystaryna 557 adam men 88 birlik tehnika, 6 ushqyshsyz ushý apparaty, QR TJM jáne IIM UU 4 áýe kemesi jumyldyrylǵan.
Órtti sóndirýge Qaraǵandy, Aqmola, Abai oblystarynyń, Astana qalasynyń qutqarý toptary, TJM 52859, 68303 áskeri bólimderiniń jáne jergilikti atqarýshy organdar qatysqan.
Áýe kemeleri órt oshaqtaryna barlyǵy 87 ret 102-den astam tonna kóleminde sý tókti. Sonymen qatar aerovizýal barlaý júrgizildi. Ushý nátijeleri boiynsha jaǵdai turaqty.
Ekologiia jáne tabiǵi resýrstar ministri Erlan Nysanbaev ta órt búgin sóndiriledi dep sendirgen.
