Qaraǵandylyq áiel satyp alǵan shujyqtyń ishinen tis taýyp alǵan. Áiel jaǵymsyz oqiǵa týraly "Novyi vestnik" gazetiniń tilshilerine aityp bergen, - dep habarlaidy Tengrinews.kz agenttigi.
"Bir kún buryn satyp alǵan shujyqpen tańǵy asqa býterbrod jasaiyn dep oiladym. Býterbrodty jep jatqanda, arasynda birtúrli úshkir zat baryn baiqadym. Keiin egeýquiryqtyń tisi ekenin bildik. Onyń kólemi adamnyń tisinen eki ese úlken, sirińke qorabynyń jartysyndai. Jutyp qoisam ne bolatyn edi? Kishkentai nemerelerime bermegenime qýanyp otyrmyn. Bul meniń súiikti kompaniiamnyń ónimi edi. Osyǵan deiin barlyq shujyq ónimderin osylardan alatynmyn", - dep jazdy áiel.
Qaraǵandylyqtyń aitýynsha, mundai jaǵdai birinshi ret bolyp otyrǵan joq.
"Jaqynda men 45-kvartaldaǵy dúkennen tort satyp aldym. Sol torttyń kilegeiinen uzyndyǵy úsh santimetrge jýyq sym taýyp aldym. Men bárin muqiiat shainaý kerek ekenine taǵy bir ret kóz jetkizdim. Endi men shujyqtaǵy tistiń neniki ekenin anyqtaityn sanitarlyq qyzmetke baramyn", - dep jazdy post avtory.
