Qaraǵandylyq politseiler burynǵy súiiktisine 20 ret pyshaq salǵan er adamdy izdestirýde, dep habarlaidy "Ult aqparat".
«10 qazan kúni, saǵat shamamen 22.59-da 28 jastaǵy áiel pyshaq jaraqatymen oblystyq klinikalyq aýrýhanaǵa jatqyzyldy. Atalmysh derek tirkeldi», - dep málim etti Qaraǵandy oblysy Politsiia departamentinen.
Aldyn ala boljam boiynsha, áiel 23 jastaǵy jigitpen ekeýara janjal kezinde jaraqat alǵan.
«Naýqas aýrýhanaǵa aiaqtary jáne arqasyna tigen kóptegen pyshaq jaraqattarymen tústi. Qazir jaǵdaiy birqalypty», - dep habarlady oblystyq Densaýlyq saqtaý basqarmasynan.
Bul qylmysqa onyń burynǵy jigiti bardy degen boljam bar. JBI shaǵyn aýdanynda ol zardap shekken áielge kelip, áńgimelesýge shaqyryp alǵan. Keiin birneshe jerinen pyshaq salǵan. Qazirgi tańda qala turǵynyn ustaý boiynsha sharalar qabyldanýda.
Ázirge kúdiktiniń ornalasqan jeri anyqtalmaǵan.
