Qaraǵandy oblysy Shet aýdanynyń politseileri jol shetine shyǵyp ketken qalaaralyq reistik avtobýstyń jolaýshylary men júrgizýshisin qutqardy, dep habarlaidy "Ult aqparat".
4 jeltoqsanda tańǵy saǵat 16.00 shamasynda 28 jastaǵy júrgizýshi tizgindegen «Yotong» markaly avtobýs «Qyzylorda - Pavlodar» avtojolynyń 837-shaqyrymynda kóktaiǵaqqa bailanysty jol jiegine shyǵyp ketken. Avtobýs salonynda 42 jolaýshy bolǵan.
Oqiǵa ornyna Shet aýdany PB Seifýllin aýyly politsiia bólimshesiniń bastyǵy, politsiia maiory Marǵulan Dúisembekov jáne ýchaskelik politsiia inspektory Janat Maqashev shyqty. Tártip saqshylary qyzmettik avtokólikte qutqarý jumysyn uiymdastyryp, jolaýshylardy 12 shaqyrym jerde ornalasqan Shet aýdany Aqoi aýylynyń jaqyn eldi mekenine jetkizdi. Adamdarǵa kafede tamaq berildi. Zardap shekkender joq.
Qaraǵandy oblysynyń politsiia departamenti aldaǵy kúnderi sinoptikter qar jaýatynyn jáne jolda kóktaiǵaq bolatynyn eskertedi.
Osyǵan bailanysty kólik júrgizýshileri jolda, ásirese balalar oqityn oryndardyń janynda, qoǵamdyq kólik aialdamalarynda, jaiaý júrginshiler ótkelderinde barynsha saq bolyp, jyldamdyq rejimin, qashyqtyqty jáne jol qozǵalysy erejeleriniń basqa da talaptaryn saqtaýy tiis.
Jaiaý júrginshiler joldan ótý kezinde avtomobildiń tejeý joly dymqyl jáne taiǵaq jolda ulǵaiatynyn eskerýi qajet.
