قاراعاندى وبلىسى شەت اۋدانىنىڭ پوليتسەيلەرٸ جول شەتٸنە شىعىپ كەتكەن قالاارالىق رەيستٸك اۆتوبۋستىڭ جولاۋشىلارى مەن جٷرگٸزۋشٸسٸن قۇتقاردى, دەپ حابارلايدى "ۇلت اقپارات".
4 جەلتوقساندا تاڭعى ساعات 16.00 شاماسىندا 28 جاستاعى جٷرگٸزۋشٸ تٸزگٸندەگەن «Yotong» ماركالى اۆتوبۋس «قىزىلوردا - پاۆلودار» اۆتوجولىنىڭ 837-شاقىرىمىندا كٶكتايعاققا بايلانىستى جول جيەگٸنە شىعىپ كەتكەن. اۆتوبۋس سالونىندا 42 جولاۋشى بولعان.
وقيعا ورنىنا شەت اۋدانى پب سەيفۋللين اۋىلى پوليتسييا بٶلٸمشەسٸنٸڭ باستىعى, پوليتسييا مايورى مارعۇلان دٷيسەمبەكوۆ جەنە ۋچاسكەلٸك پوليتسييا ينسپەكتورى جانات ماقاشەۆ شىقتى. تەرتٸپ ساقشىلارى قىزمەتتٸك اۆتوكٶلٸكتە قۇتقارۋ جۇمىسىن ۇيىمداستىرىپ, جولاۋشىلاردى 12 شاقىرىم جەردە ورنالاسقان شەت اۋدانى اقوي اۋىلىنىڭ جاقىن ەلدٸ مەكەنٸنە جەتكٸزدٸ. ادامدارعا كافەدە تاماق بەرٸلدٸ. زارداپ شەككەندەر جوق.
قاراعاندى وبلىسىنىڭ پوليتسييا دەپارتامەنتٸ الداعى كٷندەرٸ سينوپتيكتەر قار جاۋاتىنىن جەنە جولدا كٶكتايعاق بولاتىنىن ەسكەرتەدٸ.
وسىعان بايلانىستى كٶلٸك جٷرگٸزۋشٸلەرٸ جولدا, ەسٸرەسە بالالار وقيتىن ورىنداردىڭ جانىندا, قوعامدىق كٶلٸك ايالدامالارىندا, جاياۋ جٷرگٸنشٸلەر ٶتكەلدەرٸندە بارىنشا ساق بولىپ, جىلدامدىق رەجيمٸن, قاشىقتىقتى جەنە جول قوزعالىسى ەرەجەلەرٸنٸڭ باسقا دا تالاپتارىن ساقتاۋى تيٸس.
جاياۋ جٷرگٸنشٸلەر جولدان ٶتۋ كەزٸندە اۆتوموبيلدٸڭ تەجەۋ جولى دىمقىل جەنە تايعاق جولدا ۇلعاياتىنىن ەسكەرۋٸ قاجەت.
