Qaraǵandyda patrýl politsiia polkiniń qyzmetkerleri 7 jasar qyz balany zorlamaq bolǵan qylmyskerdi ustady, dep habarlaidy "Ult aqparat".
Instagram áleýmettik jelisinde qala turǵyny Qaraǵandy qalasy IIB patrýl politsiia polkiniń qyzmetkerlerine alǵys aitty.
«Qaraǵandy qalasy IIB patrýl politsiia qyzmetkerlerine, atap aitqanda Myrzabekov Darhan Sársenhanuly men Arǵyn Aqniet Bolatulyna jedel áreket etkeni úshin alǵys aitqymyz keledi. Senbi, 7 jeltoqsan kúni belgisiz er adam úidiń kireberisinde 7 jasar qyz balaǵa tiisip, sol týraly shaǵym aityp politsiiaǵa habarlastyq. Jigitter qońyraý shalǵan soń 2 minýt ishinde kelip jetti. Sodan keiin olar bala jáne onyń ata-anasynyń bireýimen jaqyn mańdy aralaýǵa kiristi. Tártip saqshylary kásibi jáne jedel áreket etti. Osynyń arqasynda bala er adamdy top arasynan tanyp, anyqtady. Taǵy birer minýt keshikse, qylmysker izin jasyryp keter edi. Qylmys jasamaq bolǵan er adam qamaýǵa alyndy. Onyń nieti buzyq bolǵany aidan anyq»,- deidi qala turǵyny.
7 jeltoqsan kúni saǵat 10:30 shamasynda 102 telefonyna qala turǵynynan belgisiz er adamnyń 7 jasar qyzdy zorlamaq bolǵany týraly habarlama kelip tústi. Oqiǵa ornyna dereý politsiia jasaǵy jiberildi, olar kúdiktini tabý úshin jaqyn aýdandardy tinte bastady. Jedel-izdestirý barysynda patrýl politseileri 43 jastaǵy er adamdy ustady.
Aita ketý kerek, bul - onyń alǵashqy qylmysy emes. 2006 jyly ol osyǵan uqsas 12 qylmys jasaǵany úshin 15 jylǵa sottalǵan. 2019 jyldyń naýryzynda ol merziminen buryn shartty túrde bosap shyqqan.
Qazirgi ýaqytta QR QK 24-120-baby 4-bóligi boiynsha sotqa deiingi tergeý bastaldy. Ustalǵan azamat qamaýǵa alyndy.
