قاراعاندىدا پاترۋل پوليتسييا پولكٸنٸڭ قىزمەتكەرلەرٸ 7 جاسار قىز بالانى زورلاماق بولعان قىلمىسكەردٸ ۇستادى, دەپ حابارلايدى "ۇلت اقپارات".
Instagram ەلەۋمەتتٸك جەلٸسٸندە قالا تۇرعىنى قاراعاندى قالاسى ٸٸب پاترۋل پوليتسييا پولكٸنٸڭ قىزمەتكەرلەرٸنە العىس ايتتى.
«قاراعاندى قالاسى ٸٸب پاترۋل پوليتسييا قىزمەتكەرلەرٸنە, اتاپ ايتقاندا مىرزابەكوۆ دارحان سەرسەنحانۇلى مەن ارعىن اقنيەت بولاتۇلىنا جەدەل ەرەكەت ەتكەنٸ ٷشٸن العىس ايتقىمىز كەلەدٸ. سەنبٸ, 7 جەلتوقسان كٷنٸ بەلگٸسٸز ەر ادام ٷيدٸڭ كٸرەبەرٸسٸندە 7 جاسار قىز بالاعا تيٸسٸپ, سول تۋرالى شاعىم ايتىپ پوليتسيياعا حابارلاستىق. جٸگٸتتەر قوڭىراۋ شالعان سوڭ 2 مينۋت ٸشٸندە كەلٸپ جەتتٸ. سودان كەيٸن ولار بالا جەنە ونىڭ اتا-اناسىنىڭ بٸرەۋٸمەن جاقىن ماڭدى ارالاۋعا كٸرٸستٸ. تەرتٸپ ساقشىلارى كەسٸبي جەنە جەدەل ەرەكەت ەتتٸ. وسىنىڭ ارقاسىندا بالا ەر ادامدى توپ اراسىنان تانىپ, انىقتادى. تاعى بٸرەر مينۋت كەشٸكسە, قىلمىسكەر ٸزٸن جاسىرىپ كەتەر ەدٸ. قىلمىس جاساماق بولعان ەر ادام قاماۋعا الىندى. ونىڭ نيەتٸ بۇزىق بولعانى ايدان انىق»,- دەيدٸ قالا تۇرعىنى.
7 جەلتوقسان كٷنٸ ساعات 10:30 شاماسىندا 102 تەلەفونىنا قالا تۇرعىنىنان بەلگٸسٸز ەر ادامنىڭ 7 جاسار قىزدى زورلاماق بولعانى تۋرالى حابارلاما كەلٸپ تٷستٸ. وقيعا ورنىنا دەرەۋ پوليتسييا جاساعى جٸبەرٸلدٸ, ولار كٷدٸكتٸنٸ تابۋ ٷشٸن جاقىن اۋدانداردى تٸنتە باستادى. جەدەل-ٸزدەستٸرۋ بارىسىندا پاترۋل پوليتسەيلەرٸ 43 جاستاعى ەر ادامدى ۇستادى.
ايتا كەتۋ كەرەك, بۇل - ونىڭ العاشقى قىلمىسى ەمەس. 2006 جىلى ول وسىعان ۇقساس 12 قىلمىس جاساعانى ٷشٸن 15 جىلعا سوتتالعان. 2019 جىلدىڭ ناۋرىزىندا ول مەرزٸمٸنەن بۇرىن شارتتى تٷردە بوساپ شىققان.
قازٸرگٸ ۋاقىتتا قر قك 24-120-بابى 4-بٶلٸگٸ بويىنشا سوتقا دەيٸنگٸ تەرگەۋ باستالدى. ۇستالعان ازامات قاماۋعا الىندى.
