Qaraǵandy oblysynda jylytý maýsymyna daiyndyq aiasynda kómirmen qamtamasyz etilý monitoringi júrgizilýde. Qoimalarda jetkilikti otyn qory bar, biraq tutyný belsendiligi ázirge joǵary emes. Bilik ókilderi turǵyndardy qatty otyndy der kezinde satyp alýǵa shaqyrady, dep habarlaidy "Ult aqparat".
Energetika jáne Turǵyn úi kommýnaldyq sharýashylyq basqarmasynyń aqparatyna sáikes, oblys boiynsha aldaǵy jylytý maýsymyna kómir qajettiligi 1 700 myń tonnany quraidy. Bunyń basym bóligi jeke tutynýshylarǵa tiesili. Sonymen qatar, halyq ázirshe 33 myń tonnadan sál artyq, iaǵni jalpy qajettiliktiń shamamen 3%-yn ǵana satyp alǵan.
Biýdjettik uiymdar úshin kómir satyp alý bastaldy.
Oblys ákimi Jeńis Qasymbek turǵyndar arasynda túsindirý jumystaryn kúsheitýdi talap etti.
«Saýda núktelerinde qorlar men baǵalardy baqylańyzdar. Adamdarǵa aldyn ala kómir satyp alý qajettiligin túsindirińizder. Tapshylyq pen kezekterge jol bermeý úshin barlyq qajetti sharalardy atqarý qajet», - dep tapsyrdy oblys ákimi apparat keńesinde.
