قاراعاندى وبلىسىندا جىلىتۋ ماۋسىمىنا دايىندىق اياسىندا كٶمٸرمەن قامتاماسىز ەتٸلۋ مونيتورينگٸ جٷرگٸزٸلۋدە. قويمالاردا جەتكٸلٸكتٸ وتىن قورى بار, بٸراق تۇتىنۋ بەلسەندٸلٸگٸ ەزٸرگە جوعارى ەمەس. بيلٸك ٶكٸلدەرٸ تۇرعىنداردى قاتتى وتىندى دەر كەزٸندە ساتىپ الۋعا شاقىرادى, دەپ حابارلايدى "ۇلت اقپارات".
ەنەرگەتيكا جەنە تۇرعىن ٷي كوممۋنالدىق شارۋاشىلىق باسقارماسىنىڭ اقپاراتىنا سەيكەس, وبلىس بويىنشا الداعى جىلىتۋ ماۋسىمىنا كٶمٸر قاجەتتٸلٸگٸ 1 700 مىڭ توننانى قۇرايدى. بۇنىڭ باسىم بٶلٸگٸ جەكە تۇتىنۋشىلارعا تيەسٸلٸ. سونىمەن قاتار, حالىق ەزٸرشە 33 مىڭ توننادان سەل ارتىق, ياعني جالپى قاجەتتٸلٸكتٸڭ شامامەن 3%-ىن عانا ساتىپ العان.
بيۋدجەتتٸك ۇيىمدار ٷشٸن كٶمٸر ساتىپ الۋ باستالدى.
وبلىس ەكٸمٸ جەڭٸس قاسىمبەك تۇرعىندار اراسىندا تٷسٸندٸرۋ جۇمىستارىن كٷشەيتۋدٸ تالاپ ەتتٸ.
«ساۋدا نٷكتەلەرٸندە قورلار مەن باعالاردى باقىلاڭىزدار. ادامدارعا الدىن الا كٶمٸر ساتىپ الۋ قاجەتتٸلٸگٸن تٷسٸندٸرٸڭٸزدەر. تاپشىلىق پەن كەزەكتەرگە جول بەرمەۋ ٷشٸن بارلىق قاجەتتٸ شارالاردى اتقارۋ قاجەت», - دەپ تاپسىردى وبلىس ەكٸمٸ اپپارات كەڭەسٸندە.
