Foto: ashyq derekkóz
Úkimet Qaraǵandy oblysynda 51 meditsinalyq mekemeniń qurylysy jumystaryn aiaqtaýǵa Arnaýly memlekettik qordan 5,9 mlrd teńge bólý týraly sheshim qabyldady, dep habarlaidy Ult.kz.
Nysandar «Aýylda densaýlyq saqtaýdy jańǵyrtý» ulttyq jobasy aiasynda salynýda. Olardy jyl sońyna deiin paidalanýǵa berý josparlanyp otyr.
Shet, Aqtoǵai, Abai, Buqar jyraý, Qarqaraly, Nura jáne Osakarov aýdandarynda jańa dárigerlik ambýlatoriialar, sondai-aq feldsherlik-akýsherlik jáne meditsinalyq pýnktter salynady. Olardy júzege asyrý shalǵaidaǵy eldi mekenderdiń turǵyndary úshin meditsinalyq qyzmetterdiń qoljetimdiligin arttyrýǵa baǵyttalǵan. Meditsinalyq qyzmetke qoljetimdilik, aldyn alý jumystary, erte diagnostika, sondai-aq tótenshe jaǵdailarda alǵashqy kómek kórsetiledi.
«Aýylda densaýlyq saqtaýdy jańǵyrtý» ulttyq jobasy aiasynda 655 nysannyń: meditsinalyq jáne feldsherlik-akýsherlik pýnktter, dárigerlik ambýlatoriialar qurylysy josparlanǵan. Búgingi tańda 480 nysannyń qurylysy aiaqtaldy. Alǵashqy meditsinalyq-sanitariialyq kómek nysandaryn salýǵa jáne aýrýhanalardy rekonstrýktsiialaýǵa qarajat respýblikalyq biýdjetten bólinedi. Sonymen qatar Arnaýly memlekettik qordan da qarjy qarastyrylǵan.
