فوتو: اشىق دەرەككٶز
ٷكٸمەت قاراعاندى وبلىسىندا 51 مەديتسينالىق مەكەمەنٸڭ قۇرىلىسى جۇمىستارىن اياقتاۋعا ارناۋلى مەملەكەتتٸك قوردان 5,9 ملرد تەڭگە بٶلۋ تۋرالى شەشٸم قابىلدادى, دەپ حابارلايدى Ult.kz.
نىساندار «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنۋدا. ولاردى جىل سوڭىنا دەيٸن پايدالانۋعا بەرۋ جوسپارلانىپ وتىر.
شەت, اقتوعاي, اباي, بۇقار جىراۋ, قارقارالى, نۇرا جەنە وساكاروۆ اۋداندارىندا جاڭا دەرٸگەرلٸك امبۋلاتورييالار, سونداي-اق فەلدشەرلٸك-اكۋشەرلٸك جەنە مەديتسينالىق پۋنكتتەر سالىنادى. ولاردى جٷزەگە اسىرۋ شالعايداعى ەلدٸ مەكەندەردٸڭ تۇرعىندارى ٷشٸن مەديتسينالىق قىزمەتتەردٸڭ قولجەتٸمدٸلٸگٸن ارتتىرۋعا باعىتتالعان. مەديتسينالىق قىزمەتكە قولجەتٸمدٸلٸك, الدىن الۋ جۇمىستارى, ەرتە دياگنوستيكا, سونداي-اق تٶتەنشە جاعدايلاردا العاشقى كٶمەك كٶرسەتٸلەدٸ.
«اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا 655 نىساننىڭ: مەديتسينالىق جەنە فەلدشەرلٸك-اكۋشەرلٸك پۋنكتتەر, دەرٸگەرلٸك امبۋلاتورييالار قۇرىلىسى جوسپارلانعان. بٷگٸنگٸ تاڭدا 480 نىساننىڭ قۇرىلىسى اياقتالدى. العاشقى مەديتسينالىق-سانيتارييالىق كٶمەك نىساندارىن سالۋعا جەنە اۋرۋحانالاردى رەكونسترۋكتسييالاۋعا قاراجات رەسپۋبليكالىق بيۋدجەتتەن بٶلٸنەدٸ. سونىمەن قاتار ارناۋلى مەملەكەتتٸك قوردان دا قارجى قاراستىرىلعان.
