Qaraǵandy oblysynyń bas memlekettik sanitarlyq dárigeriniń qaýlysyna túzetý engizildi. Endi óńirde ornatylǵan úsh sanitarlyq beketten ótý úshin PTR-test talap etilmeidi, dep habarlaidy "Ult aqparat".
«Qaraǵandy oblysynyń Bas memlekettik sanitariialyq dárigeriniń «Qaraǵandy oblysynyń Bas memlekettik sanitariialyq dárigeriniń 2020 jylǵy 2 qarashadaǵy №41-q qaýlysyna ózgerister men tolyqtyrýlar engizý týraly» 03.11.2020j. №42-q qaýlysyna sáikes Qaraǵandy oblysy aýmaǵyna/aýmaǵynan sanitariialyq beketter arqyly kirý/shyǵý kezinde propusk.kz saitynda tirkeýden ótý qajet. Sonymen qatar sanitariialyq beketterden ótý (kirý/shyǵý) kezinde PTR test talap etilmeitindigi týraly habarlaimyz», - dep málimdedi Qaraǵandy oblysynyń Taýarlar men qyzmetterdiń sapasy men qaýipsizdigin baqylaý departamentiniń baspasóz qyzmeti.
Esterińizge sala keteiik, osyǵan deiin Qaraǵandy oblysynda koronavirýs boiynsha epidemiologiialyq jaǵdaidy turaqtandyrý úshin 4 qarashada saǵat 00-de syrtqy shekaralarǵa kirýdi/shyǵýdy baqylaý úshin úsh sanitarlyq beket jumysyn bastaityny týraly habarlanǵan bolatyn.
Elde aýrýdyń ósýine bailanysty aldyn alý sharasy retinde kelesi baǵyttar boiynsha sanitarlyq beketter ornatý týraly sheshim qabyldandy:
1. Qyzylorda - Pavlodar a/j (Molodejnyi kenti mańynda);
2. Pavlodar - Baianaýyl - Buqar jyraý-Qaraǵandy a/j (Úmitker kenti mańynda);
3. Qaraǵandy - Aiagóz - Buǵaz avtojolynyń 271-shi shaqyrymy, Semei qalasy baǵytynda (Kentóbe kenti mańynda).
