Qaraǵandy oblysynda jedel virýsologiialyq zertteýge kóp kóńil bólinýde. Bul týraly Saryarqa telearnasynyń tikelei efirinde ótken brifingte oblys ákimi Jeńis Qasymbek aitty, dep habarlaidy "Ult aqparat".
Oblys basshysy sonymen birge óńirdegi KVI boiynsha jalpy epidemiologiialyq ahýal týraly túsinik berdi.
«Statistika boiynsha Qaraǵandy oblysynda aýyrǵandar sany táýligine 15-20 adamnan aspaidy. Infektsiianyń taralýynyń ortasha kórsetkishi 1,11% - dy quraidy. Statsionarlardaǵy tósekterdiń toltyrylýy 4%-dan aspaidy. Biraq biz búkil álemde jaǵdaidyń alańdatarlyq ekenin kórip otyrmyz. Sondyqtan infektsiianyń taralýyn boldyrmaý jáne aldyn alý boiynsha barlyq qajetti sharalardy qabyldaimyz», - dep atap ótti Jeńis Qasymbek.
Aýrýdy múmkindiginshe erterek anyqtaý, naýqasty oqshaýlaý jáne úide sapaly emdeý úshin alǵashqy meditsinalyq kómekti kúsheitýge basa nazar aýdarylady. Ol úshin oblysta 288 mobildi emhanalyq brigada jumys isteidi. Qosymsha 122 jeńil avtokólik jáne 60 reanimobil satyp alyndy. Jedel járdemniń sanitarlyq avtokólik parki jyl sońyna deiin tolyǵymen jańartylady.
Sonymen qatar, shalǵai eldi mekenderde jumys isteý úshin qajetti apparatýramen jabdyqtalǵan toǵyz jyljymaly meditsinalyq keshen daiyndaldy.
Sondai-aq, osy jyldyń kókteminen bastap statsionarlardyń tósek qory 2 eseden astam – 2 200-den 4 427 orynǵa deiin ulǵaityldy. Bul rette patsientterdi josparly emdeýge jatqyzý jáne emdeý júrip jatyr.
Jezqazǵanda 200 tósektik jańa modýldi gospital óz jumysyn bastady. Ol zamanaýi meditsinalyq jabdyqtarmen: kompiýterlik tomografpen, sandyq rentgen apparatymen, meditsinalyq gazdar júiesimen, ÝDZ, EKG, ÓJJ jáne t.b. jabdyqtaldy. Osy aptada Temirtaýda 250 oryndyq infektsiialyq statsionar ashylýy tiis. Shahtinsk qalasynda juqpaly aýrýlar korpýsyn jóndeý aiaqtalýǵa jaqyn. Jeltoqsan aiynda Abaida infektsiialyq bólimsheni jáne Temirtaýda provizorlyq bólimsheni jóndeý aiaqtalady.
Sonymen qatar, búgin, 9 qarashada Qaraǵandy medýniversitetiniń kásiptik aýrýlar institýtynyń ǵimaratynda 150 oryndyq infektsiialyq-provizorlyq gospital ashyldy.
Máselen, Qaraǵandy oblysynda KVI emdeýge arnalǵan tósek sany 5,2 myńǵa deiin jetkiziledi.
Aimaqta koronavirýsty tekserýge de kóp kóńil bólinedi. Qazirgi ýaqytta oblysta jeti PTR-zerthana jumys isteidi. Olardyń jalpy qýattylyǵy – táýligine 8 myń zertteý. Taldaý nátijelerin kútý ýaqyty – bir táýlikten aspaidy.
Qarasha aiynda Balqashta PTR-zerthanasyn ashý josparlanýda, sondai-aq Jezqazǵanda osyndai meditsinalyq mekemeniń ótkizý qabileti ulǵaitylatyn bolady. Osylaisha, barlyq zerthanalardyń jalpy qýaty táýligine 10 myńnan astam testini quraidy.
