Foto: elements.envato.com
Qaraǵandy oblysynda 12 qarashada Qarabas stantsiiasynda qaza bolǵan 32 jastaǵy Álibi Qalievtiń ólimi tergelip jatyr, - dep habarlaidy Tengrinews.kz agenttigi.
Er adamdy júk poiyzy qaǵyp ketken. Qaza tapqan kenshi Álibi Qaliev. Lenin atyndaǵy shahtada jumys istegen. Jaqynda er adam eńbek demalysyna shyǵyp, 10 kúnge Almatyǵa aǵasyna barýdy uiǵarypty. Biraq dittegen ornyna jetpegen.
"12 qarashada saǵat 15:00-de ol maǵan telefon soǵyp, poiyzǵa mingenin aitty. Al oǵan deiin áieline telefon soqqan, bári jaqsy bolǵan. Qaraǵandydan Qarabas stantsiiasyna deiin 40 minýttai jol júredi. Osy ýaqyt ishinde ne bolǵany belgisiz. Biraq nege ekeni belgisiz, jolaýshylardy poiyzdan shyǵarýǵa tyiym salynǵanymen, inim barlyq zattarymen, júgin alyp sol stantsiiada túsken, sol jerde júk poiyzy qaǵyp ketken", - deidi marqumnyń týysy Saian Ámirbekov.
Marqumnyń týystary jaǵdaidy anyqtap, Álibi stantsiiada nege túskenin jáne qalai qaza bolǵanyn bilgisi keledi. Olar marqummen birge bolǵan poiyz jolaýshylarynan kómek suraidy.
Kóliktegi politsiia departamentiniń baspasóz qyzmeti jaǵdaiǵa qatysty pikir bildirdi. Vedomstvo adamdy qaǵyp ketý faktisi boiynsha tergeý júrip jatqanyn habarlady.
"Qarabas stantsiiasynda adamdy qaǵyp ketý deregi boiynsha Qaraǵandy-Suryptaý stantsiiasynyń kólik politsiiasy qyzmetkerlerimen QR Qylmystyq kodeksiniń 344-baby 2-bóligi boiynsha sotaldy tergeý bastaldy. Qazirgi ýaqytta is boiynsha qajetti tergeý áreketteri júrgizilip jatyr. Basqa aqparat QR Qylmystyq is júrgizý kodeksiniń 201-baby talaptaryna sáikes tergeý múddesi úshin jariia etilmeidi", - dedi vedomstvo ókilderi.
