Foto: ashyq derekkózden
Aqtoǵai aýdany prokýratýrasynyń narazylyǵy boiynsha aýdannyń Ekonomika jáne qarjy bólimi jariialaǵan jalpy somasy 328 million teńgeden asatyn is júzinde joq "Aqjaryq-Appaz" tas jolyn aǵymdaǵy jóndeýge ashyq konkýrs ótpei qaldy. Bul týraly Qaraǵandy oblysynyń prokýratýrasy habarlady.
«Joldyń bul ýchaskesinde jergilikti jáne oblystyq deńgeidegi ýákiletti organdardyń balansynda eshqandai jol joq ekeni anyqtaldy.
«Avtomobil joldary týraly» Zańnyń 1-babyna sáikes avtomobil jolyn aǵymdaǵy jóndeý - avtomobil joldaryndaǵy tótenshe jaǵdailardyń, aqaýlardyń aldyn alý maqsatynda júrgiziletin jumystar kesheni, sondai-aq jyl boiy júrgiziletin avtomobil joldaryn jedel qalpyna keltirý jáne jóndeý, onyń ishinde marshrýttyq ádispen júzege asyrylatyn qiraǵan ýchaskelerdi jóndeý sharalary.
Tiisinshe, aǵymdaǵy jóndeý jumystary qoldanystaǵy tas jolda júrgizilýi kerek», - delingen habarlamada.
Vedomstvo málimetinshe, «Qazaqstan Respýblikasyndaǵy sáýlet, qala qurylysy jáne qurylys qyzmeti týraly» Zańnyń 60-babynyń 1-tarmaǵyna sáikes obektiler men olardyń keshenderiniń qurylysy jobalyq (jobalyq-smetalyq) qujattama boiynsha júzege asyrylady. Ekonomika bólimi osy normany buza otyryp, qurylys jobasy joq jańa tas jol salýǵa árekettengen.
Sonymen qatar, qurylys-montaj jumystary olar boiynsha memlekettik satyp alýlar Qazaqstan Respýblikasy Qarjy ministriniń 2022 jylǵy 18 qańtardaǵy №46 buiryǵymen bekitilgen «Reitingtik-balldyq júieni paidalana otyryp, konkýrs arqyly júzege asyrylatyn taýarlardyń, jumystardyń, qyzmetterdiń» tizbesine engizilgen.
Osyǵan qaramastan, qurylys-montaj jumystary týraly habarlandyrý ashyq konkýrs arqyly ornalastyrylǵan.
Aqtoǵai aýdany prokýratýrasynyń qadaǵalaý aktisi boiynsha bul konkýrs joiyldy.
