Foto: Qaraǵandy oblysy TJD
Qaraǵandy oblysynda 39 jastaǵy balyqshyny izdeý jumystary álide jalǵasyp jatyr, - dep habarlaidy «Ult aqparat» Tengrinews.kzke silteme jasap.
Qaraǵandy oblysy TJD baspasóz qyzmeti málimetinshe, 2024 jyldyń 3 aqpanynda Qaraǵandy oblysynda Molodejnyi aýylynyń mańynda balyq aýlaý kezinde úsh balyqshy mingen kólik muzǵa qulap ketken. Eki balyqshy óz betimen shyǵyp úlgergen, meditsinalyq kómek qajet bolmady. Al 39 jastaǵy balyqshyny izdeý jumystary álide jalǵasyp jatyr.
"Izdestirý-qutqarý jumystaryn jedel-qutqarý jasaǵynyń qutqarýshylary súńgýirlik jabdyqtyń, sondai-aq "GNOM" sýasty telebasqarylatyn tekserý kesheniniń kómegimen táýliktiń kúndizgi ýaqytynda júrgizip jatyr. Izdestirý-qutqarý jumysynyń kúrdeli bolýyna: qiyn aýa raiy jaǵdailary, qatty jel, boran, aiaz, kei jerlerde juqa muz, muz astynda súńgý, sýdyń tómen temperatýrasy, sýǵa túsý tereńdigi 3-4 metr, kórinýdiń bolmaýy, kúshti aǵys. Bul jaǵdailar súńgýirler úshin qiyn jaǵdai bolyp tabylady", - delingen habarlamada.
Sonymen qatar, izdeý aýmaǵyda úlken. Ol úshin únemi izdestirý aimaǵyn keńeitip, muzda jańa jolaqtardy kesip, súńgýirdiń túsýi úshin arnaiy oryndardy daiyndaý kerek.
