فوتو: قاراعاندى وبلىسى تجد
قاراعاندى وبلىسىندا 39 جاستاعى بالىقشىنى ٸزدەۋ جۇمىستارى ەلٸدە جالعاسىپ جاتىر, - دەپ حابارلايدى «ۇلت اقپارات» Tengrinews.kzكە سٸلتەمە جاساپ.
قاراعاندى وبلىسى تجد باسپاسٶز قىزمەتٸ مەلٸمەتٸنشە, 2024 جىلدىڭ 3 اقپانىندا قاراعاندى وبلىسىندا مولودەجنىي اۋىلىنىڭ ماڭىندا بالىق اۋلاۋ كەزٸندە ٷش بالىقشى مٸنگەن كٶلٸك مۇزعا قۇلاپ كەتكەن. ەكٸ بالىقشى ٶز بەتٸمەن شىعىپ ٷلگەرگەن, مەديتسينالىق كٶمەك قاجەت بولمادى. ال 39 جاستاعى بالىقشىنى ٸزدەۋ جۇمىستارى ەلٸدە جالعاسىپ جاتىر.
"ٸزدەستٸرۋ-قۇتقارۋ جۇمىستارىن جەدەل-قۇتقارۋ جاساعىنىڭ قۇتقارۋشىلارى سٷڭگۋٸرلٸك جابدىقتىڭ, سونداي-اق "گنوم" سۋاستى تەلەباسقارىلاتىن تەكسەرۋ كەشەنٸنٸڭ كٶمەگٸمەن تەۋلٸكتٸڭ كٷندٸزگٸ ۋاقىتىندا جٷرگٸزٸپ جاتىر. ٸزدەستٸرۋ-قۇتقارۋ جۇمىسىنىڭ كٷردەلٸ بولۋىنا: قيىن اۋا رايى جاعدايلارى, قاتتى جەل, بوران, اياز, كەي جەرلەردە جۇقا مۇز, مۇز استىندا سٷڭگۋ, سۋدىڭ تٶمەن تەمپەراتۋراسى, سۋعا تٷسۋ تەرەڭدٸگٸ 3-4 مەتر, كٶرٸنۋدٸڭ بولماۋى, كٷشتٸ اعىس. بۇل جاعدايلار سٷڭگۋٸرلەر ٷشٸن قيىن جاعداي بولىپ تابىلادى", - دەلٸنگەن حابارلامادا.
سونىمەن قاتار, ٸزدەۋ اۋماعىدا ٷلكەن. ول ٷشٸن ٷنەمٸ ٸزدەستٸرۋ ايماعىن كەڭەيتٸپ, مۇزدا جاڭا جولاقتاردى كەسٸپ, سٷڭگۋٸردٸڭ تٷسۋٸ ٷشٸن ارنايى ورىنداردى دايىنداۋ كەرەك.
