Qaraǵandy oblysynyń kentteriniń birinde mektep oqýshysyn zorlady degen kúdikpen ózin imam retinde tanystyryp júrgen er adam ustaldy, dep habarlaidy "Ult aqparat".
2020 jyldyń 31 jeltoqsanynda Qaraǵandy oblysynyń politsiia departamentine jergilikti bloger Aisultan Jaqypov habarlasqan.
Ol «Maǵan Qaraǵandy oblysynyń bir aýdanynyń turǵynynan kámeletke tolmaǵan bala júkti bolǵany týraly aqparat kelip tústi. Onyń ústine, onyń ata-anasy bul faktini jasyratyny belgili boldy» dep málimdegen.
Sol kúni atalǵan habarlama boiynsha QR QK 120-baby 4-bóligi boiynsha dereý qylmystyq is tirkeldi.
Oblystyń PD tájiribeli qyzmetkerlerinen jedel-tergeý toby quryldy.
Olar qysqa merzimde eldi mekendi jáne oqiǵanyń barlyq qatysýshylaryn anyqtady.
«Aldyn ala tergeý barysynda atalǵan derek rastaldy. Politsiia qyzmetkerleri kúdiktini – oblystyń 40 jastaǵy turǵynyn anyqtap, ustady. Sot oǵan qatysty «qamaýǵa alý» bultartpaý sharasyn tańdady. QR QIJK 201-babyna sáikes ózge aqparat jariialanbaidy», - dep habarlady Qaraǵandy oblysy PD baspasóz qyzmeti.
Musylmandar dini basqarmasy er adam dini mektepte oqyǵanyn, biraq imam sertifikatyn almaǵanyn málimdedi.
Alaida, aýyl turǵyndary osy kúnge sheiin oǵan dini rásimder ótkizýin surap, júginip júrgen.
