Qaraǵandy oblysynda tótenshe jaǵdai rejimi 16 naýryzdan bastap jumys isteidi. Óńir qoimalary azyq-túlikpen qamtamasyz etilip, aýrýhanalar kúsheitilgen jumys rejimine kóshýde. Oqýshylar men stýdentter demalysqa jiberildi, dep habarlaidy "Ult aqparat".
Qazir oblysta juqpaly infektsiiany emdeý úshin 300 jáne COVID – 19 koronovirýsymen aýyratyn naýqastardy ońaltý úshin 48 tósek qarastyrylǵan. Sondai-aq 770 provizorlyq jáne 1 325 karantin tósegi bar. Olar Qaraǵandy, Temirtaý, Balqash jáne Sátbaev qalalarynyń aýrýhanalarynda ornalasqan.
Gospitaldarda jumys isteý úshin dárigerlerdiń 4 mýltistsiplinarlyq komandasy belgilengen. Olardyń quramyna infektsionist, pýlmonolog, kardiolog, nefrolog, terapevt jáne pediatr kiredi. Sonymen qatar 3 anesteziolog–reanimatolog brigadasy, orta jáne kishi meditsina qyzmetkerlerinen 9 brigada uiymdastyryldy. Jumysqa barlyǵy 540 meditsinalyq qyzmetker tartyldy. Karantindik jumys kestesi bekitildi.
Búgingi kúni karantinde 113 adam táýlik boiy baqylaýda. Bul 1A sanatyndaǵy elderden oralǵan nemese shartty túrde juqtyrǵandarmen bailanysta bolǵan azamattar. Úi karantininde 39 adam, meditsinalyq baqylaýmen ózin–ózi oqshaýlaýda - 284 adam, qashyqtyqtan monitoringide - 273 adam. Olardyń barlyǵy ózderin jaqsy sezinedi, aýrý belgileri joq.
Oblystyń turaqtandyrý qorynda 300 tonna bidai uny, 24,5 tonna qaraqumyq jarmasy, 37,6 tonna kúnbaǵys maiy, 189 tonna qant, 1700 tonna kartop, 30 tonna sábiz, 50 tonna piiaz jáne 50 tonna oramjapyraq bar. Qosymsha qaraqumyq jarmasy, kúrish, kúnbaǵys maiy men kókónis satyp alýd josparlanyp otyr.
Sondai-aq óńirde un óndirý úshin jetkilikti astyq qory bar.
Azyq-túlik taýarlarynyń baǵasy kóterilmeidi. Ázirge tek qant baǵasy sál artty - bul ónimdi shyǵarýshy Belarýs zaýytynda ózindik qunynyń qymbattaýyna bailanysty.
Oblysta azyq-túlik úzdiksiz jetkizilýde. Kólik qatynasynda problemalar joq. Óńirdiń barlyq avtoparkteri burynǵy tártipte, marshrýttardy qysqartýsyz jumys isteidi. Qaraǵandy qalasynan Almaty, Qyzylorda, Óskemen jáne Jezqazǵan qalalaryna jolaýshy poiyzdary esh ózgerissiz júredi.
Reseimen kólik qatynasy toqtatyldy. Tikelei jolaýshylar poiyzdary, tirkeme jáne tikelei qatynaityn vagondar toqtatyldy. Buryn satyp alynǵan biletterdi qosymsha tólemsiz jáne aiyppulsyz tapsyrýǵa bolady. Sondai-aq áýe qatynasy toqtatyldy. 18 naýryzda Qaraǵandy-Máskeý baǵytyndaǵy sońǵy reis oryndaldy. 19 naýryzdan bastap osy baǵyt boiynsha ushý toqtatylady. Sondai-aq, 17 naýryzdan bastap Qaraǵandydan Novosibir qalasyna aviarei toqtatyldy.
Oblysta AI-92/93 benzini men dizel otynynyń qory jetkilikti.
Barlyq nysandar oblystyń iri kásiporyndary shtattyq rejimde jumys isteidi. Oblystyq kommýnaldyq qyzmet mamandary da burynǵy rejimde jumys isteidi. Sý, jylý jáne elektr energiiasy berýde irkilis joq.
Barlyq oqýshylar 16 naýryzdan bastap demalysqa jiberildi. Jaqyn arada olar barlyq pánderden óz betinshe oryndaý úshin tapsyrma alady.
Oblysta barlyǵy 507 jalpy bilim beretin mektep bar. Onda 198 571 bala oqidy jáne 17 792 pedagog jumys isteidi. Qazir oqytýshylar qashyqtan jumys isteidi.
Sonymen qatar, óńirde 10 arnaiy túzetý mektep-internaty bar. Onda 1 053 bala oqidy. Olardyń barlyǵy da qazir kanikýlda.
Oblysta qosymsha bilim berý uiymdarynyń sany 100, onyń ishinde 88 memlekettik. Onda 75 421 bala oqidy. Qazir mektepten tys uiymdardyń qyzmeti ýaqytsha toqtatyldy.
Sondai-aq óńirde 70 kolledj jumys isteidi. Olardyń barlyǵy elektrondyq oqytý platformasyna qosylǵan.
Tek 70 stýdenttiń internetke qosylý múmkindigi joq. Olar úshin arnaiy oqytý «Qazposhta» AQ qyzmeti arqyly júzege asyrylady.
Qalǵan 36 900 stýdent Bilimal, Platonus, Smart College jáne Moduls júieleriniń kómegimen oqidy. Sabaqtar beine sabaqtar, derbes onlain-jumystar, onlain kýrstar, chat sabaqtar, veb sabaqtar, telekonferentsiia jáne telesabaqtar túrinde ótedi.
