قاراعاندى وبلىسىندا تٶتەنشە جاعداي رەجٸمٸ 16 ناۋرىزدان باستاپ جۇمىس ٸستەيدٸ. ٶڭٸر قويمالارى ازىق-تٷلٸكپەن قامتاماسىز ەتٸلٸپ, اۋرۋحانالار كٷشەيتٸلگەن جۇمىس رەجٸمٸنە كٶشۋدە. وقۋشىلار مەن ستۋدەنتتەر دەمالىسقا جٸبەرٸلدٸ, دەپ حابارلايدى "ۇلت اقپارات".
قازٸر وبلىستا جۇقپالى ينفەكتسييانى ەمدەۋ ٷشٸن 300 جەنە COVID – 19 كورونوۆيرۋسىمەن اۋىراتىن ناۋقاستاردى وڭالتۋ ٷشٸن 48 تٶسەك قاراستىرىلعان. سونداي-اق 770 پروۆيزورلىق جەنە 1 325 كارانتين تٶسەگٸ بار. ولار قاراعاندى, تەمٸرتاۋ, بالقاش جەنە سەتباەۆ قالالارىنىڭ اۋرۋحانالارىندا ورنالاسقان.
گوسپيتالداردا جۇمىس ٸستەۋ ٷشٸن دەرٸگەرلەردٸڭ 4 مۋلتيستسيپلينارلىق كومانداسى بەلگٸلەنگەن. ولاردىڭ قۇرامىنا ينفەكتسيونيست, پۋلمونولوگ, كارديولوگ, نەفرولوگ, تەراپەۆت جەنە پەدياتر كٸرەدٸ. سونىمەن قاتار 3 انەستەزيولوگ–رەانيماتولوگ بريگاداسى, ورتا جەنە كٸشٸ مەديتسينا قىزمەتكەرلەرٸنەن 9 بريگادا ۇيىمداستىرىلدى. جۇمىسقا بارلىعى 540 مەديتسينالىق قىزمەتكەر تارتىلدى. كارانتيندٸك جۇمىس كەستەسٸ بەكٸتٸلدٸ.
بٷگٸنگٸ كٷنٸ كارانتيندە 113 ادام تەۋلٸك بويى باقىلاۋدا. بۇل 1ا ساناتىنداعى ەلدەردەن ورالعان نەمەسە شارتتى تٷردە جۇقتىرعاندارمەن بايلانىستا بولعان ازاماتتار. ٷي كارانتينٸندە 39 ادام, مەديتسينالىق باقىلاۋمەن ٶزٸن–ٶزٸ وقشاۋلاۋدا - 284 ادام, قاشىقتىقتان مونيتورينگٸدە - 273 ادام. ولاردىڭ بارلىعى ٶزدەرٸن جاقسى سەزٸنەدٸ, اۋرۋ بەلگٸلەرٸ جوق.
وبلىستىڭ تۇراقتاندىرۋ قورىندا 300 توننا بيداي ۇنى, 24,5 توننا قاراقۇمىق جارماسى, 37,6 توننا كٷنباعىس مايى, 189 توننا قانت, 1700 توننا كارتوپ, 30 توننا سەبٸز, 50 توننا پيياز جەنە 50 توننا ورامجاپىراق بار. قوسىمشا قاراقۇمىق جارماسى, كٷرٸش, كٷنباعىس مايى مەن كٶكٶنٸس ساتىپ الۋد جوسپارلانىپ وتىر.
سونداي-اق ٶڭٸردە ۇن ٶندٸرۋ ٷشٸن جەتكٸلٸكتٸ استىق قورى بار.
ازىق-تٷلٸك تاۋارلارىنىڭ باعاسى كٶتەرٸلمەيدٸ. ەزٸرگە تەك قانت باعاسى سەل ارتتى - بۇل ٶنٸمدٸ شىعارۋشى بەلارۋس زاۋىتىندا ٶزٸندٸك قۇنىنىڭ قىمباتتاۋىنا بايلانىستى.
وبلىستا ازىق-تٷلٸك ٷزدٸكسٸز جەتكٸزٸلۋدە. كٶلٸك قاتىناسىندا پروبلەمالار جوق. ٶڭٸردٸڭ بارلىق اۆتوپاركتەرٸ بۇرىنعى تەرتٸپتە, مارشرۋتتاردى قىسقارتۋسىز جۇمىس ٸستەيدٸ. قاراعاندى قالاسىنان الماتى, قىزىلوردا, ٶسكەمەن جەنە جەزقازعان قالالارىنا جولاۋشى پويىزدارى ەش ٶزگەرٸسسٸز جٷرەدٸ.
رەسەيمەن كٶلٸك قاتىناسى توقتاتىلدى. تٸكەلەي جولاۋشىلار پويىزدارى, تٸركەمە جەنە تٸكەلەي قاتىنايتىن ۆاگوندار توقتاتىلدى. بۇرىن ساتىپ الىنعان بيلەتتەردٸ قوسىمشا تٶلەمسٸز جەنە ايىپپۇلسىز تاپسىرۋعا بولادى. سونداي-اق ەۋە قاتىناسى توقتاتىلدى. 18 ناۋرىزدا قاراعاندى-مەسكەۋ باعىتىنداعى سوڭعى رەيس ورىندالدى. 19 ناۋرىزدان باستاپ وسى باعىت بويىنشا ۇشۋ توقتاتىلادى. سونداي-اق, 17 ناۋرىزدان باستاپ قاراعاندىدان نوۆوسٸبٸر قالاسىنا اۆيارەي توقتاتىلدى.
وبلىستا اي-92/93 بەنزينٸ مەن ديزەل وتىنىنىڭ قورى جەتكٸلٸكتٸ.
بارلىق نىساندار وبلىستىڭ ٸرٸ كەسٸپورىندارى شتاتتىق رەجٸمدە جۇمىس ٸستەيدٸ. وبلىستىق كوممۋنالدىق قىزمەت ماماندارى دا بۇرىنعى رەجٸمدە جۇمىس ٸستەيدٸ. سۋ, جىلۋ جەنە ەلەكتر ەنەرگيياسى بەرۋدە ٸركٸلٸس جوق.
بارلىق وقۋشىلار 16 ناۋرىزدان باستاپ دەمالىسقا جٸبەرٸلدٸ. جاقىن ارادا ولار بارلىق پەندەردەن ٶز بەتٸنشە ورىنداۋ ٷشٸن تاپسىرما الادى.
وبلىستا بارلىعى 507 جالپى بٸلٸم بەرەتٸن مەكتەپ بار. وندا 198 571 بالا وقيدى جەنە 17 792 پەداگوگ جۇمىس ٸستەيدٸ. قازٸر وقىتۋشىلار قاشىقتان جۇمىس ٸستەيدٸ.
سونىمەن قاتار, ٶڭٸردە 10 ارنايى تٷزەتۋ مەكتەپ-ينتەرناتى بار. وندا 1 053 بالا وقيدى. ولاردىڭ بارلىعى دا قازٸر كانيكۋلدا.
وبلىستا قوسىمشا بٸلٸم بەرۋ ۇيىمدارىنىڭ سانى 100, ونىڭ ٸشٸندە 88 مەملەكەتتٸك. وندا 75 421 بالا وقيدى. قازٸر مەكتەپتەن تىس ۇيىمداردىڭ قىزمەتٸ ۋاقىتشا توقتاتىلدى.
سونداي-اق ٶڭٸردە 70 كوللەدج جۇمىس ٸستەيدٸ. ولاردىڭ بارلىعى ەلەكتروندىق وقىتۋ پلاتفورماسىنا قوسىلعان.
تەك 70 ستۋدەنتتٸڭ ينتەرنەتكە قوسىلۋ مٷمكٸندٸگٸ جوق. ولار ٷشٸن ارنايى وقىتۋ «قازپوشتا» اق قىزمەتٸ ارقىلى جٷزەگە اسىرىلادى.
قالعان 36 900 ستۋدەنت Bilimal, Platonus, Smart College جەنە Moduls جٷيەلەرٸنٸڭ كٶمەگٸمەن وقيدى. ساباقتار بەينە ساباقتار, دەربەس ونلاين-جۇمىستار, ونلاين كۋرستار, چات ساباقتار, ۆەب ساباقتار, تەلەكونفەرەنتسييا جەنە تەلەساباقتار تٷرٸندە ٶتەدٸ.
