Foto: newsmir.info
Qaraǵandy oblysynda eki jasar bala ÝAZ kóliginiń astynda qaza tapty. Júrgizýshi artqa qarai kele jatyp náresteni qaǵyp ketken, - dep habarlaidy Tengrinews.kz saity.
Jantúrshigerlik oqiǵa Shet aýdany, Aqsý-Aiýly aýylynda boldy. Aldyn ala málimet boiynsha, bala joldyń ústine shyǵyp ketken, al júrgizýshi ony baiqamaǵan.
"Bala úidiń aýlasynda ketip bara jatyp, jolǵa shyǵyp ketti. Júrgizýshi ony baiqamady, óitkeni bala kórinetin aimaqta emes edi. Balaǵa júrgizýshi alǵashqy meditsinalyq kómek kórsetip, meditsinalyq mekemege jetkizgen. Ókinishke qarai, olar balany aman alyp qala almady. Balanyń ata-anasyna, abaisyzda qaǵyp ketken júrgizýshige de úlken orny tolmas qaiǵy boldy", - deidi aýyl turǵyndary.
Qaraǵandy oblysy politsiia departamentiniń baspasóz qyzmeti balanyń ólimine ákelip soǵý faktisin rastady.
"ÝAZ kóliginiń 35 jastaǵy júrgizýshisi keri baǵytta kele jatyp eki jasar balany qaǵyp ketti. Oqiǵa saldarynan jábirlenýshi alǵan jaraqattarynan qaitys boldy. Osy fakti boiynsha sotqa deiingi tergeý bastaldy. Tiisti saraptamalar taǵaiyndaldy, onyń qorytyndysy boiynsha protsessýaldyq sheshim qabyldanady", - dep habarlady Qaraǵandy oblysynyń politsiia departamentiniń baspasóz qyzmeti.
