فوتو: newsmir.info
قاراعاندى وبلىسىندا ەكٸ جاسار بالا ۋاز كٶلٸگٸنٸڭ استىندا قازا تاپتى. جٷرگٸزۋشٸ ارتقا قاراي كەلە جاتىپ نەرەستەنٸ قاعىپ كەتكەن, - دەپ حابارلايدى Tengrinews.kz سايتى.
جانتٷرشٸگەرلٸك وقيعا شەت اۋدانى, اقسۋ-ايۋلى اۋىلىندا بولدى. الدىن الا مەلٸمەت بويىنشا, بالا جولدىڭ ٷستٸنە شىعىپ كەتكەن, ال جٷرگٸزۋشٸ ونى بايقاماعان.
"بالا ٷيدٸڭ اۋلاسىندا كەتٸپ بارا جاتىپ, جولعا شىعىپ كەتتٸ. جٷرگٸزۋشٸ ونى بايقامادى, ٶيتكەنٸ بالا كٶرٸنەتٸن ايماقتا ەمەس ەدٸ. بالاعا جٷرگٸزۋشٸ العاشقى مەديتسينالىق كٶمەك كٶرسەتٸپ, مەديتسينالىق مەكەمەگە جەتكٸزگەن. ٶكٸنٸشكە قاراي, ولار بالانى امان الىپ قالا المادى. بالانىڭ اتا-اناسىنا, ابايسىزدا قاعىپ كەتكەن جٷرگٸزۋشٸگە دە ٷلكەن ورنى تولماس قايعى بولدى", - دەيدٸ اۋىل تۇرعىندارى.
قاراعاندى وبلىسى پوليتسييا دەپارتامەنتٸنٸڭ باسپاسٶز قىزمەتٸ بالانىڭ ٶلٸمٸنە ەكەلٸپ سوعۋ فاكتٸسٸن راستادى.
"ۋاز كٶلٸگٸنٸڭ 35 جاستاعى جٷرگٸزۋشٸسٸ كەرٸ باعىتتا كەلە جاتىپ ەكٸ جاسار بالانى قاعىپ كەتتٸ. وقيعا سالدارىنان جەبٸرلەنۋشٸ العان جاراقاتتارىنان قايتىس بولدى. وسى فاكتٸ بويىنشا سوتقا دەيٸنگٸ تەرگەۋ باستالدى. تيٸستٸ ساراپتامالار تاعايىندالدى, ونىڭ قورىتىندىسى بويىنشا پروتسەسسۋالدىق شەشٸم قابىلدانادى", - دەپ حابارلادى قاراعاندى وبلىسىنىڭ پوليتسييا دەپارتامەنتٸنٸڭ باسپاسٶز قىزمەتٸ.
