Sýret: ashyq derekkóz
Bul týraly Densaýlyq saqtaý ministri Aqmaral Álnazarova Úkimet otyrysynan keiingi brifingte aitty, dep habarlaidy "Ult aqparat" inbusiness.kz saityna silteme jasap.
"Kókjótel – vaktsinamen basqarylatyn infektsiialardyń biri. Dúnie júzindegi barlyq memleket kokliýshqa bailanysty vaktsinany balalarǵa egip jatady. Bul epidemiologiialyq jaǵdaidy turaqty túrde ustap turady. Bizde byltyrdan beri kókjótelge qatysty jaǵdaidyń óskenin baiqap otyrmyz. 80 paiyz aýyrǵan balalar ókinishke qarai vaktsinany almaǵan. Kókjóteldiń asqynǵan túrleri óte aýyr túrde ótedi. Emi de qiyn. Azamattarymyzdy balalaryn osy aýrý túrine qarsy vaktsinany belsendi alýǵa shaqyramyz. Qosymsha vaktsinatsiialaý máselesinde taǵy qarajat bólindi. Iaǵni, byltyrǵy jyldary vaktsinatsiiadan ótpegen balalaramyzdyń arasynda qosymsha vaktsinatsiialaý jumystary júrip jatyr", - dedi Densaýlyq saqtaý ministri.
Onyń sózinshe, bul baǵytta túsindirý jumystary áli de kúsheitýdi qajet etedi. Vedomstvo basshysy biyl kókjótelden kishkentai sábi qaitys bolǵanyn aitty.
"Ókinishke qarai, Qaraǵandy oblysynda 9 naýryz kúni bir sábi kókjótelden qaitys boldy. Bala 1 jas 11 aida boldy. Bul jaǵdaiǵa DSM tarapynan saraptama júrgizdik. Birinshiden, bala ýaqyty jetpei dúniege kelgen. Ekinshiden, ekpe almaǵan jáne emhana deńgeiinde kóp júrip qalǵan, aýrýhaǵana kesh túsken. Sondyqtan tiisti asqynýlardyń sebebinen bul balaǵa kómektese almadyq. Kókjótel jeńil ótetin aýrý emes", - dedi Aqmaral Álnazarova.
