سۋرەت: اشىق دەرەككٶز
بۇل تۋرالى دەنساۋلىق ساقتاۋ مينيسترٸ اقمارال ەلنازاروۆا ٷكٸمەت وتىرىسىنان كەيٸنگٸ بريفينگتە ايتتى, دەپ حابارلايدى "ۇلت اقپارات" inbusiness.kz سايتىنا سٸلتەمە جاساپ.
"كٶكجٶتەل – ۆاكتسينامەن باسقارىلاتىن ينفەكتسييالاردىڭ بٸرٸ. دٷنيە جٷزٸندەگٸ بارلىق مەملەكەت كوكليۋشقا بايلانىستى ۆاكتسينانى بالالارعا ەگٸپ جاتادى. بۇل ەپيدەميولوگييالىق جاعدايدى تۇراقتى تٷردە ۇستاپ تۇرادى. بٸزدە بىلتىردان بەرٸ كٶكجٶتەلگە قاتىستى جاعدايدىڭ ٶسكەنٸن بايقاپ وتىرمىز. 80 پايىز اۋىرعان بالالار ٶكٸنٸشكە قاراي ۆاكتسينانى الماعان. كٶكجٶتەلدٸڭ اسقىنعان تٷرلەرٸ ٶتە اۋىر تٷردە ٶتەدٸ. ەمٸ دە قيىن. ازاماتتارىمىزدى بالالارىن وسى اۋرۋ تٷرٸنە قارسى ۆاكتسينانى بەلسەندٸ الۋعا شاقىرامىز. قوسىمشا ۆاكتسيناتسييالاۋ مەسەلەسٸندە تاعى قاراجات بٶلٸندٸ. ياعني, بىلتىرعى جىلدارى ۆاكتسيناتسييادان ٶتپەگەن بالالارامىزدىڭ اراسىندا قوسىمشا ۆاكتسيناتسييالاۋ جۇمىستارى جٷرٸپ جاتىر", - دەدٸ دەنساۋلىق ساقتاۋ مينيسترٸ.
ونىڭ سٶزٸنشە, بۇل باعىتتا تٷسٸندٸرۋ جۇمىستارى ەلٸ دە كٷشەيتۋدٸ قاجەت ەتەدٸ. ۆەدومستۆو باسشىسى بيىل كٶكجٶتەلدەن كٸشكەنتاي سەبي قايتىس بولعانىن ايتتى.
"ٶكٸنٸشكە قاراي, قاراعاندى وبلىسىندا 9 ناۋرىز كٷنٸ بٸر سەبي كٶكجٶتەلدەن قايتىس بولدى. بالا 1 جاس 11 ايدا بولدى. بۇل جاعدايعا دسم تاراپىنان ساراپتاما جٷرگٸزدٸك. بٸرٸنشٸدەن, بالا ۋاقىتى جەتپەي دٷنيەگە كەلگەن. ەكٸنشٸدەن, ەكپە الماعان جەنە ەمحانا دەڭگەيٸندە كٶپ جٷرٸپ قالعان, اۋرۋحاعانا كەش تٷسكەن. سوندىقتان تيٸستٸ اسقىنۋلاردىڭ سەبەبٸنەن بۇل بالاعا كٶمەكتەسە المادىق. كٶكجٶتەل جەڭٸل ٶتەتٸن اۋرۋ ەمەس", - دەدٸ اقمارال ەلنازاروۆا.
