QMA Qaraǵandy oblysy boiynsha departamenti Qaraǵandy jáne Temirtaý qalasy aýmaǵynda qarjy piramidasyn qurý faktisiniń jolyn kesti, dep habarlaidy Qarjylyq monitoring agenttiginiń baspasóz qyzmeti.

2020 jyly azamatsha G.S. Narymbetova jalǵan aqparat berý arqyly azamattardan aqshalai qarajat alǵan.

"Máselen, ol qarjy shemasyn quryp, tartylǵan aqsha qarajaty boiynsha kiris olardy paidaly aktivterge salý esebinen emes, jańa investorlardan 200 000 teńgeden 25 000 000 teńgege deiingi somadaǵy aqshalai qarajatty tartý esebinen salym somasynyń 10%-dan 40%-na deiingi mólsherde tólenetinin aitqan.

Qylmystyq áreketten anyqtalǵan zalal 222 mln teńgeden asty, onyń 131 mln teńgesi sottalýshynyń óz erkimen óteldi" - delingen habarlamada.

Sot úkimimen Gúlzat Serikqyzy Narymbetova 5 jyl 6 ai merzimge bas bostandyǵynan aiyrý túrindegi jaza taǵaiyndaldy.