Qaraǵandy oblysynda kompaniianyń sertifikatyn satý arqyly turǵyndardy qarjy piramidasyna tartqan, dep habarlaidy "Ult aqparat" Qarjy monitoringi komitetiniń baspasóz qyzmetine silteme jasap.
2020 jyldyń 19 naýryzda tótenshe jaǵdai kezinde KR QM Qarjy monitoringi komitetiniń Qaraǵandy oblysy boiynsha Ekonomikalyq tergeý departamenti qyzmetkerleri qarjy piramidasy qyzmetin uiymdastyrýdyń jolyn kesti.
«Qylmystyq shema kelesidegidei áreket arqyly jasalǵan. Jeke tulǵalar kompaniianyń 15 myńnan 3,5 mln teńgege deiingi aralyǵyndaǵy qaǵaz sertifikatyn satyp alyp, keiin 4-8,5% mólsherindegi «keshbek» túrindegi syiaqy alatyn bolǵan», delingen habarlamada.
Anyqtalǵan fakti boiynsha QR QK 217-babynyń 2-tarmaǵyna sáikes (qarjylyq (investitsiialyq) piramidany qurý jáne oǵan basshylyq etý) sotqa deiinge tergeý isi qozǵalyp, jedel-tergeý júrgizilip jatyr.
