QR Prezidenti Qasym-Jomart Toqaevtyń málimdemesinen soń Qaraǵandy oblysynda karantindik rejimdi jeńildetildi. Temirtaýda erekshe jaǵdai saqtalýda, karantindik sharalar sanyn ishinara tómendetý josparlanyp otyr. Bul týraly Taýarlar men qyzmetterdiń sapasy jáne qaýipsizdigin baqylaý departamentiniń basshysy Qanat Asqarov málimdedi, - dep habarlaidy "Ult aqparat".
Metallýrgter qalasynda qatań sanitarlyq normalardy saqtai otyryp, tek qurylys nysandary, TQS, shinamontajdaý, kólik jýý oryndaryna ǵana jumys isteýge ruqsat etilgen.
Qaraǵandy oblysynyń basqa qalalary men aýdandaryna keletin bolsaq, jeńildikter turǵyndarǵa saiajai ýchaskelerine shyǵýǵa múmkindik beredi, qoǵamdyq kólik jumysyn bastaidy, ónerkásiptik kásiporyndardyń, sondai-aq birqatar qyzmet kórsetý nysandarynyń qyzmetine ruqsat beredi.
Mysaly, turǵyndarǵa kelesidei áreketterge ruqsat etiledi:
- sanitarlyq-epidemiologiialyq normalardy saqtai otyryp, saǵat 05.00-den 22.00-ge deiin adamdar kóp jinalmai, aýla mańy aýmaǵynda jaiaý serýendeýge (qol alysyp amandaspaý, keminde eki metr qashyqtyqty saqtaý, mindetti túrde betperde kiiý jáne antiseptikti paidalaný);
- saiajai ýchaskelerine barý, 5 adamnan artyq bolmaidy (óz balalarymen, týysqandarymen);
- Temirtaýdan basqa, oblystyń barlyq aýmaǵynda jekemashinalarda ruqsat etilgen qyzmet túrleri boiynsha júrýge bolady. 22.00-den 05.00-ge deiin júrýge tyiym salynady.
Temirtaýda jeńil avtokólikte tańerteń, saǵat 05.00-den 10.00-ge deiin jáne keshkisaǵat 17.00-den 22.00-ge deiin, úiden jumysqa deiin jáne keri qarai ruqsat etilgen qyzmet túrleri boiynsha uiymdar men kásiporyndardyń qyzmetkerlerine júrýge bolady.
Qoǵamdyq kólik qala ishinde tańerteń saǵat 07.00-den 10.00-ge deiin jáne keshke saǵat 17.00-den 20.00-ge deiin jumys isteitin bolady.
Kelesi uiymdarǵa jumys isteýge ruqsat etilgen:
Advokat keńseleri, notariýstar, TQS, shina montaj sheberhanalary, kólik jýý oryndary, ekinshi deńgeili bankter, HQKO.
Aýylsharýashylyq tehnikasyn, jabdyqtardy kóterme saýdamen satý qaita iske qosyldy. Sondai-aq tuqym, kóshetter jáne basqa da kóshet materialdaryn satý jónindegi mamandandyrylǵan dúkenderge jáne bólimderge jumys isteýge ruqsat etilgen.
Saýda núktelerine tek jetkizý rejiminde turmystyq tehnika men elektr jabdyqtaryn, janýarlarǵa arnalǵan taýarlardy, turmystyq himiiany, qosalqy bólshekter men shyǵyn materialdaryn satýǵa ruqsat etilgen.
Bas sanitarlyq dárigerdiń aitýynsha, jumysty jańartatyn barlyq kásiporyndar sanitarlyq-epidemiologiialyq talaptardy qatań saqtai otyryp, qatań túrde aldyn ala jazylýmen ǵana qyzmet kórsetýi tiis.
14 jasqa deiingi balalardyń eresektersiz júrýine tyiym salý áli de qala beredi. Otbasy múshelerin qospaǵanda, adamdardyń (5 adamnan astam) jinalýyna, saiabaqtar men gúlzarlar aýmaǵynda serýendeýge tyiym salynady (tyiym salynǵan qyzmet túrleriniń tolyq tizbesi №16 qaýlyda kórsetilgen).
Tótenshe jaǵdai kezinde qoǵamdyq qaýipsizdikti jáne karantindik rejimdi qamtamasyz etý maqsatynda QanatAsqarov pravoslavtardyń kóktemgi dástúri boiynsha ziratqa barmaýdy usyndy.
«Osy jeńildikterge túsinistikpen qaraýdy suraimyn: qyraǵylyqty joǵaltýdyń qajeti joq: juqtyrý qaýpi áli de joǵary. Qazirgi epidemiologiialyq jaǵdaida qaýipsizdiktiń negizgi sharty áleýmettik qashyqtyqty, oblystyń árbir turǵynynyń jeke gigiena erejelerin qatań saqtaýy, sondai-aq jumys istep turǵan obektilerde dezinfektsiialyq rejimdi saqtaý mańyzdy bolyp qalatynyn este saqtańyzdar. Karantindik rejimniń oryndalýyn baqylaý sharalary jalǵasatyn bolady», - dedi vedomstvo basshysy.
Qaraǵandy oblysynyń bas memlekettik sanitarlyq dárigeriniń №12, 13, 14, 15 qaýlysynyń kúshi joiyldy.
