Sýret: ©️ Tengrinews.kz / Turar Qazanǵapov
Qostanai turǵyny Qaraǵandy oblysyndaǵy sharýa qojalyǵy qojaiynynyń qolynda alty jyl eńbek quldyǵynda bolǵanyn málimdedi, - dep habarlaidy Tengrinews.kz saity "Patriot" Telegram-arnasyna silteme jasap.
Aleksandr Vdovichenko esimdi er adam alty jyl buryn Qaraǵandy oblysyndaǵy Osakarov aýdanynyń Molodejnoe aýylynyń janyndaǵy qystaýdan qashyp ketkeni týraly oqiǵasyn aityp berdi.
Onyń sózinshe, sharýa qojalyǵynyń qojaiyny oǵan bir maýsym mal baǵý jumysyn usynǵan. Aleksandrdan qujattaryn alyp, jalaqy tólemegen. Jumysqa resmi ornalaspaǵan. Tipti tek tamaq úshin jumys istegen.
"Men ýchaskelik politsiia qyzmetkeri surap qalǵan jaǵdaida kerek bolady dep qujattarymdy qaitarýyn ótindim. Biraq qojaiyn qujattar onyń qolynda qalsa jaqsy bolatynyn aitty", - dedi er adam.
Aleksandr qashyp kete almaǵan, sebebi sharýa qojalyǵy iesiniń týystary ony alty jyl baqylap otyrypty. Alty jyl ishinde er adamdy úilendirip, jubaiy qyz týǵan. Jas jubailarǵa týystaryn shaqyrýǵa ruqsat etilmegendikten, toi bolmaǵan. Jábirlenýshiniń aitýynsha, fermada ony eshkim urmaǵan, keide bastyqpen sózge kelip qalǵan sátter bolyp turǵan.
Er adam jaiaý qashyp úlgergen. Shamamen 60 shaqyrym júrip ótip, jol boiyndaǵy kafege toqtaǵan. Turaq iesi oǵan shelpek pen ystyq shai berip, birneshe kún kafede qalýdy usynǵan. Biraq kórshi aýyl turǵyndary ony tanyp, qojalyq iesine aityp beredi dep qoryqqan Aleksandr usynystan bas tartqan.
Aleksandrdyń áieli men qyzy fermada qalǵan.
"Men ketip bara jatqanda telefondy áielime qaldyrdym. Telefon arqyly qandai da bir jolmen meni taýyp alady dep qorqamyn, sondyqtan telefondy ózimmen birge ustai almaimyn", - dedi er adam.
Qostanai oblysynyń politsiia departamenti baza boiynsha er adam iz-túzsiz joǵalyp ketken adam retinde izdestirilmegenin habarlady.
"Eger ótinish tússe, sharalar qabyldanady", - dedi politsiia baspasóz qyzmetiniń ókili.
Maýsymda BAQ-ta Qaraǵandy oblysynda bolǵan uqsas jaǵdai jariialandy. Eki er adam Shet aýdanynda eńbek quldyǵynda ustalyp, mal baǵý úshin uryp-soǵylǵan. Politsiia Qylmystyq kodekstiń 126 baby "Zańsyz bas bostandyǵynan aiyrý" boiynsha sotaldy tergeý júrgizip jatyr. Bap on jylǵa deiin bas bostandyǵynan aiyrý jazasyn qarastyrady.
