Qaraǵandy oblysynyń sotynda eki jas qyzǵa zorlyq-zombylyq jasaý faktisine qatysty is qaraldy. Sottalýshyǵa 18 epizod boiynsha QR QK-niń úsh babymen aiyp taǵyldy, dep habarlaidy "Ult aqparat".
Sottalýshy – Qaraǵandy oblysy Buqar Jyraý aýdanynyń turǵyny. Buǵan deiin ol qaraqshylyq shabýyl jasaǵany úshin qylmystyq jaýapkershilikke tartylǵan. Jaqynda bas bostandyǵynan aiyrý oryndarynan merziminen buryn bosap shyqqan. Alaida, qysqa ýaqyt aralyǵynda ol eki jas qyzdy zorlap úlgergen. Zorlanǵan qyz balalar da Buqar Jyraý aýdanynyń turǵyndary.
Qaraǵandy oblysynyń qylmystyq ister jónindegi mamandandyrylǵan aýdanaralyq sotynyń úilestirýshi-sýdiasy Bekzat Shalǵymbaevtyń aitýynsha, sottalýshyǵa QR Qylmystyq kodeksiniń birden úsh baby boiynsha aiyp taǵylǵan: 120-bap «Zorlaý», 121-bap «Seksýaldyq sipattaǵy zorlyq-zombylyq áreketter» jáne 124-bap «Jas balalardy azǵyrý».
Jinalǵan is materialdary men dáleldemeler bazasyn zerdelegennen keiin sýdia Qairat Qasymov sottalýshyny barlyq úsh bap boiynsha kináli dep tanyp, 26 jyl merzimge bas bostandyǵynan aiyrý túrinde úkim shyǵardy. Jazany qylmystyq-atqarý júiesiniń qaýipsizdigi tótenshe mekemesinde óteitin bolady.
«Sot oǵan burynǵy jazanyń ótelmegen bóligin qosyp, jiyntyq jaza taǵaiyndady. Himiialyq kastratsiia túrindegi meditsinalyq aralasý sharalary taǵaiyndalǵan joq. Sebebi, ol tek sot-meditsinalyq saraptamanyń qorytyndysy boiynsha taǵaiyndalady. Sottalǵan adam ony qajet etpeidi dep sheshildi», - dedi Bekzat Shalǵymbaev.
Aita ketý kerek, zorlaýshynyń áreketi ony tanityn eki áielge de belgili bolǵan. Alaida olar tártip saqshylaryna qylmys týraly habarlamaǵan. Sondyqtan olar QR QK-niń 434-baby «Jasalǵan asa aýyr qylmys týraly habarlamaý» boiynsha qylmystyq jaýapkershilikke tartyldy. Sýdia osy eki áielge qatysty 2 jylǵa bas bostandyǵyn shekteý týraly úkim shyǵardy.
