© Photo : Qaraǵandy oblysy tótenshe jaǵdailar departamenti
Qaraǵandy oblysynda bir táýliktiń ishinde tórt kólik órtendi, dep habarlaidy Sputnik Qazaqstan oblystyq tótenshe jaǵdailar departamentine silteme jasap.
Resmi málimetke sáikes, tórt oqiǵa Temirtaý, Saran jáne Shahtinsk qalalarynda tirkelgen. Órttiń negizgi sebebi – elektr symdarynyń tuiyqtalýy.
"Avtokóliktegi órtke otyn nemese elektr júiesiniń durys jumys istemeýi negizgi sebep bolady. Qys mezgilinde kólikterdi ashyq otty qoldana otyryp jylytý kezinde de órt shyǵady. Avtokóliktiń dizainynda janǵysh materialdar kóp qoldanylady. Sondyqtan kez kelgen avtokólikte órt qaýipsizdigi sharalaryn qatań saqtaý qajet", - deidi qutqarýshylar.
Jyl basynan beri oblysta 141 kólik órtendi. 2 adam qaza taýyp, 1 adam jaraqat aldy.
Tótenshe jaǵdailar departamenti órt qaýipsizdigi boiynsha qarapaiym sharalaryn umytpaý qajettigin eske saldy. Olar:
ýaqtyly tehnikalyq qyzmet kórsetýden ótý;
kólikti únemi tekserip otyrý, ásirese, elektr symdaryna nazar aýdarý;
órt sóndirgishti qoljetimdi jerde saqtaý;
-qysta muzdaǵan bólshekterdi jylytý úshin ashyq otty paidalanbaý.
