Foto: Tengrinews.kz
Qaraǵandy oblysynda 14 jastaǵy sportshy jansaqtaý bóliminde qaitys boldy, - dep habarlaidy Tengrinews.kz saity.
Jas sportshynyń qaitys bolǵany týraly qyz turatyn Osakarov aýdanynyń ákimi Rýslan Nurmuhanbetov Faceebook-te habarlady.
"10 sáýirde jas sportshy Sonnova Arina Vasilevnanyń júregi toqtap qaldy. Arina karate-kiokýshinkai-kanmen ainalysyp, sporttyń osy túrinen Qazaqstan Respýblikasy ulttyq quramasynyń múshesi bolǵan. Otbasyna qaiǵyryp kóńil aitamyn", - dep jazdy aýdan ákimi.
Qyzdyń ólimi týraly aqparatqa Qaraǵandy oblysynyń dene shynyqtyrý jáne sport basqarmasynyń baspasóz qyzmeti túsinikteme berdi. Vedomstvo qyzdyń aýyr jaraqattan qaitys bolǵanyn aitty.
Arina Sonnova attan qulap, tasqa soǵylǵan. Keiin alǵan jaraqattarynan qaitys bolǵan. Ol 6 jasynan bastap Osakarovka aýylynda karatemen ainalysqan. Jas sportshy respýblikalyq jáne halyqaralyq deńgeidegi týrnirlerde birinshi oryn ielengen. Arina Qazaqstan chempionaty men kýbogynyń, sondai-aq, Aziia birinshiliginiń júldegeri bolǵan.
Arinanyń alǵashqy jetistigi Jezqazǵan qalasynda ótken balalar arasyndaǵy ashyq aimaqtyq týrnirde birinshi oryn alýy edi. Sonnovanyń jeńisteriniń ishinde mańyzdysy - 2019 jyly Taraz qalasynda ótken Aziia kýbogy. Onda sportshy 2-oryn alǵan. Kýbok qorytyndysy boiynsha Arina karate-kiokýshinkai-kannan Qazaqstan quramasyna kirgen.
"Arina Sonnovanyń týystary men jaqyndaryna kóńil aitamyz", - delingen Qaraǵandy oblysynyń dene shynyqtyrý jáne sport basqarmasy habarlamasynda.
