فوتو: Tengrinews.kz
قاراعاندى وبلىسىندا 14 جاستاعى سپورتشى جانساقتاۋ بٶلٸمٸندە قايتىس بولدى, - دەپ حابارلايدى Tengrinews.kz سايتى.
جاس سپورتشىنىڭ قايتىس بولعانى تۋرالى قىز تۇراتىن وساكاروۆ اۋدانىنىڭ ەكٸمٸ رۋسلان نۇرمۇحانبەتوۆ Faceebook-تە حابارلادى.
"10 سەۋٸردە جاس سپورتشى سوننوۆا ارينا ۆاسيلەۆنانىڭ جٷرەگٸ توقتاپ قالدى. ارينا كاراتە-كيوكۋشينكاي-كانمەن اينالىسىپ, سپورتتىڭ وسى تٷرٸنەن قازاقستان رەسپۋبليكاسى ۇلتتىق قۇراماسىنىڭ مٷشەسٸ بولعان. وتباسىنا قايعىرىپ كٶڭٸل ايتامىن", - دەپ جازدى اۋدان ەكٸمٸ.
قىزدىڭ ٶلٸمٸ تۋرالى اقپاراتقا قاراعاندى وبلىسىنىڭ دەنە شىنىقتىرۋ جەنە سپورت باسقارماسىنىڭ باسپاسٶز قىزمەتٸ تٷسٸنٸكتەمە بەردٸ. ۆەدومستۆو قىزدىڭ اۋىر جاراقاتتان قايتىس بولعانىن ايتتى.
ارينا سوننوۆا اتتان قۇلاپ, تاسقا سوعىلعان. كەيٸن العان جاراقاتتارىنان قايتىس بولعان. ول 6 جاسىنان باستاپ وساكاروۆكا اۋىلىندا كاراتەمەن اينالىسقان. جاس سپورتشى رەسپۋبليكالىق جەنە حالىقارالىق دەڭگەيدەگٸ تۋرنيرلەردە بٸرٸنشٸ ورىن يەلەنگەن. ارينا قازاقستان چەمپيوناتى مەن كۋبوگىنىڭ, سونداي-اق, ازييا بٸرٸنشٸلٸگٸنٸڭ جٷلدەگەرٸ بولعان.
ارينانىڭ العاشقى جەتٸستٸگٸ جەزقازعان قالاسىندا ٶتكەن بالالار اراسىنداعى اشىق ايماقتىق تۋرنيردە بٸرٸنشٸ ورىن الۋى ەدٸ. سوننوۆانىڭ جەڭٸستەرٸنٸڭ ٸشٸندە ماڭىزدىسى - 2019 جىلى تاراز قالاسىندا ٶتكەن ازييا كۋبوگى. وندا سپورتشى 2-ورىن العان. كۋبوك قورىتىندىسى بويىنشا ارينا كاراتە-كيوكۋشينكاي-كاننان قازاقستان قۇراماسىنا كٸرگەن.
"ارينا سوننوۆانىڭ تۋىستارى مەن جاقىندارىنا كٶڭٸل ايتامىز", - دەلٸنگەن قاراعاندى وبلىسىنىڭ دەنە شىنىقتىرۋ جەنە سپورت باسقارماسى حابارلاماسىندا.
