Qazaqstan Respýblikasy Premer-ministri Keńsesiniń basshysy Erlan Jaqanuly Qoshanov Qaraǵandy oblysynyń ákimi bolyp taǵaiyndaldy, dep habarlaidy "Ult aqparat" Aqordanyń tvitterdegi paraqshasyna silteme jasap.
Erlan Jaqanuly 1962 jyly Jezqazǵan oblysyndaǵy Shet aýdanynyń Aqsý-Aiýly aýylynda týǵan.
Qaraǵandy politehnikalyq institýtynyń Jezqazǵan filialyn (1984), KSRO Syrtqy saýda akademiiasy janyndaǵy joǵary kommertsiialyq mektepti (1991) jáne Qazaq memlekettik basqarý akademiiasyn (1999) bitirgen, mamandyǵy boiynsha - injener mehanik jáne ekonomist. Eńbek jolyn «Jezqazǵantústimetall» ǴÓB baiytý fabrikasynyń slesary, sheberi (1986-1988) bolyp bastady. QLKJO Jezǵazqan oblystyq komitetiniń nusqaýshysy, bólim meńgerýshisi (1988-1990), Jezqazǵan oblystyq syrtqy-ekonomikalyq bailanys komitetiniń jetekshi, bas mamany, bólim bastyǵy, tóraǵanyń orynbasary, tóraǵasy boldy (1990-1995), Qazaqstan Respýblikasy Parlamentindegi QR Úkimetiniń ókili (1999-2003), QR Premer-Ministri Keńsesi basshysynyń orynbasary (2001-2003), QR Kólik jáne kommýnikatsiia vitse-ministri (2003-2006), QR Kólik jáne kommýnikatsiia ministrliginiń azamattyq aviatsiia komitetiniń tóraǵasy (2006-2007), QR Premer-Ministriniń Keńsesi basshysynyń orynbasary - Úkimettiń Parlament Májilisindegi ókili (2007 jyldan bastap) boldy. Sondai-aq «Qazaqstannyń investitsiialyq qory» AQ direktorlar keńesiniń múshesi (2004 jj. bastap), «Astana halyqaralyq áýejaiy» AQ direktorlar keńesiniń tóraǵasy (2005 jyldan). QR Parlamenti Senatynyń depýtaty (1995-1999) bolyp sailandy.
Besinshi shaqyrylǵan QR Parlamenti Májilisi depýtattyǵyna «Nur Otan» HDP partiialyq tizimi boiynsha kandidat (07.12.2011) boldy. «Nur Otan» halyqtyq-demokratiialyq partiiasynyń múshesi. 2012 jyldyń aqpanynan beri QR Premer-Ministri Keńsesiniń basshysy boldy.
Aita ketsek, Qaraǵandy oblysynyń ákimi bolyp 2014 jyly 20 maýsymda Nurmuhambet Ábdibekov taǵaiyndalǵan bolatyn.
