Qaraǵandy oblysynda qant tapshylyǵy joq. Kóterme saýda qoimalarynda tátti taýar qory bar. Aldaǵy kúnderi taǵy on vagon jetkizilýi tiis, dep habarlaidy QazAqparat.
Oblys ákimdiginde qant dúrlikpesi oryn alǵan jaǵdaiǵa qatysty túsinikteme berildi.
«Tańerteń kóterme saýdagerlermen sóilestik. Qazir olar barlyq saýda nysandaryna qant jiberedi. Qoimalarda 500 tonnadan astam qor bar. Budan basqa, on vagon kele jatyr jáne taǵy bes vagon qanttyń aqshasy tólendi», – dep habarlady kásipkerlik basqarmasynyń basshysy Tatiana Ablaeva apparattyq keńeste.
Ol turaqtandyrý qorynda qant qory bar ekenin jáne azyq-túlik korporatsiiasy ónim partiiasyn bóletinin jetkizdi.
«Qantqa da, basqa tamaq ónimderine de qatysty problemalar joq. Jaǵdaidy erekshe baqylaýda ustaýdy suraimyn.Alypsatarlyq bolǵan jaǵdaida máselelerdi jedel sheshý kerek», – dedi oblys ákimi Jeńis Qasymbek.
