Qaraǵandydaǵy ál-Farabi atyndaǵy mektep-gimnaziiasynyń oqý kabinetterine Aqjan Mashanov pen Toqtar Áýbákirovtiń esimderi berildi. Bul saltanatty shara geolog Aqjan Mashanov pen qazaqtyń tuńǵysh ǵaryshkeri Toqtar Áýbákirovti eske alý keshine orai uiymdastyryldy, - dep habarlaidy «Ult aqparat».
Belgili bolǵanyndai, atalǵan mektepte Tarih jáne Toqtartaný kabinetteri solardyń esimimen ataldy. Shyǵys oishyly Ábý Nasyr ál-Farabidiń murasyn zertteýshi Aqjan ál-Mashani atyndaǵy kabinet ashý ideiasy gimnaziia direktory Qymbat Ospanovaǵa tiesili. Jáne sonyń alǵashqy bastamasy bolyp otyr.
Sondai-aq, onyń jetekshiligimen professorlyq-oqytýshylyq quram geologtyń ómiri men qyzmeti týraly aqparat jinaý boiynsha aýqymdy jumys júrgizdi, onyń jeke zattarynyń, fotosýretteri men portretteriniń tutas ekspozitsiiasyn qurastyrdy.
«Bul jalǵyz meniń eńbegim emes, meniń ujymymnyń jumylǵan eńbeginiń nátijesi dep bilemin. Men tek komandaǵa usynys jasadym, olar meni qoldady. Osylaisha eki jylǵa jýyq jumys istep kele jatqan tarihshylar men jazýshylardan qurylǵan shyǵarmashylyq top qurdyq. Elorda men Almatyǵa baryp, ál-Mashanimen tanys ǵalymdarmen kezdesip, onyń eńbekterin zerttedik. Olar bizge onyń kóptegen fotosýretterin, jeke zattaryn, kitaptaryn berdi. Aldaǵy ýaqytta synypta túrli is-sharalar, ǵylymi joba baiqaýlary, olimpiadalar ótkizilip, shákirtterimizdiń jan-jaqty damýyna qyzmet etetin bolady. Bul biz úshin úlken eńbektiń nátijesi dep bilemin. Osy oraida úlken istiń bastamasynda qoldaý bildirip, eńbek etken jumysyma erekshe alǵys aitqym keledi», – deidi gimnaziia direktory Qymbat Ospanova.
Al atalǵan gimnaziiadaǵy Toqtar Áýbákirov atyndaǵy kabinet ótken jyldyń sońynda ashylǵan. Gimnaziia ustazdary munda oqýshylar syrtqy dúnieniń syrymen tanysqanda jan-jaqty bilim alatynyna senimdi.
«Mektep ujymy aýqymdy zertteý jumystaryn júrgizdi. Keńseniń ashylýyna Toqtar aǵanyń ózi onlain rejimde qatysty. Sondai-aq keńseni ashýǵa atsalysqan ata-analar qaýymyna alǵysymdy bildiremin. Bizdiń mekteptiń ujymy men oqýshylary, tipti ata-analarymyz da erekshe, qoǵamdyq ómirde óte belsendi. Bizdiń osyndai erekshe ujymymyz úshin óte qýanyshtymyn. Men baqytty basshymyn», - dep qosty mektep direktory Qymbat Ospanova.
Bul týraly ata-analar jinalysyna qatysyp, úlken rizashylyǵyn bildirgen Zeinep Ábdijapparqyzy balasynyń osyndai sapaly mektepte bilim alatynyn aityp maqtandy.
«Meniń ulym osy mekteptiń onynshy synybynda oqidy. Ol óz ortasyn, synyptastaryn ǵana emes, ustazdaryn da, mektep direktoryn da únemi maqtanyshpen aityp júredi. Bul mektepte meniń tórt balam da bilim alyp keledi. Mekteptiń bilim sapasymen qatar, qoǵamdyq ómirge de belsene aralasatyny, jastardy osyndai jaqsy, igi isterge baýlityny erekshe. Biz ata-analar balalarymyzdyń jarqyn bolashaǵy úshin esh alańdaýǵa negiz joǵyn jaqsy bilemiz», - dedi ata-analardyń biri.
Negizinde bul gimnaziiada erekshe synyptar kóp ekenin atap ótkimiz keledi. Buǵan deiin ál-Farabi gimnaziiasynyń matematika kabinetine Qaraǵandy qalasynyń Qurmetti azamaty, ǵalym Temirǵali Kýketaevtyń esimi berilgen bolatyn. Synyptyń ashylýyna akademiktiń ózi de qatysqan bolatyn.
Esterińizge sala keteiik, Qaraǵandydaǵy ál-Farabi atyndaǵy mektep-gimnaziiasynyń oqý kabinetterine Aqjan Mashanov pen Toqtar Áýbákirovtiń esimderi berildi. Bul saltanatty shara geolog Aqjan Mashanov pen qazaqtyń tuńǵysh ǵaryshkeri Toqtar Áýbákirovti eske alý keshine orai uiymdastyryldy. Belgili bolǵanyndai, atalǵan mektepte Tarih jáne toqtartaný kabinetteri solardyń esimimen ataldy. Bul ideia HH ǵasyrdaǵy kórnekti taý-ken ǵalymdarynyń biri, Shyǵystyń oishyly Ábý Nasyr ál-Farabi murasyn zertteýshi gimnaziia direktory Qymbat Ospanovanyń oiyna kelgen.
