Qaraǵandy meditsina ýniversitetiniń stýdentteri provizorlyq jáne infektsiialyq gospitaldarda dárigerlerge kómektesýde. Olar orta jáne kishi meditsina qyzmetkerleriniń jumysyn oryndaidy, dep habarlaidy "Ult aqparat".
Aǵa áriptesterine kómektesý týraly sheshimdi stýdentter qiyn kezeńde óz erikterimen qabyldaǵan. Internderdiń bir bóligi erikti negizde statsionarlarda volonterler retinde jumys isteidi. Basqalary naýqastarǵa úige baryp, emhanalarda feldsherler jumysyn oryndaidy.
Stýdentter 15 kúndik vahtamen jumys isteidi. 7-shi kýrs interni Madiiar Arǵynbaev óziniń alǵashqy vahtasyn maýsym aiynda professor H.J. Maqajanov atyndaǵy kópsalaly aýrýhanada jansaqtaý jáne qarqyndy terapiia bóliminde aǵa meditsinalyq retinde ótkizdi. Sodan keiin Qaraǵandy qalasynyń №2 kópsalaly aýrýhanasy bazasynda infektsiialyq statsionarda jumys istei bastady. Madiiar rezidentýraǵa túsýdi josparlap otyr. Jas jigit kardiohirýrg bolǵysy keledi.
Madiiarmen birge sol aýrýhanada meiirbikeniń mindetin onyń kýrstasy Anar Eleýova da atqarýda.
«Meniń mindetim - patsientterge kútim jasaý, taǵaiyndaýlardy, manipýliatsiialardy ýaqytyly oryndaý, baqylaý paraǵyn júrgizý. Osy qiyn kezeńde elge kómekteskenime qýanyshtymyn. Eń jaqsy kúnder alda ekenine senemin», - deidi Anar.
Keibir stýdentter erikti negizde aýyldyq klinikalarǵa attandy. Mysaly, meditsina ýniversitetiniń 5-shi kýrsyn bitirgen Sanat Kýshenov Pavlodar oblysynyń Maiqaiyń aýylyna ketti. Onda ol sanitar bolyp jumys isteidi.
«Bizdiń stýdentterimiz osyndai qiyn ýaqytta eline óz erkimen kómek kórsetýdi sheshkenine qýanyshtymyz. Bul qandai dárigerler býynyn tárbielep jatqanymyzdy kórsetedi», - dep atap ótti meditsina ýniversitetiniń baspasóz hatshysy Tatiana Ýlicheva.
