قاراعاندى مەديتسينا ۋنيۆەرسيتەتٸنٸڭ ستۋدەنتتەرٸ پروۆيزورلىق جەنە ينفەكتسييالىق گوسپيتالداردا دەرٸگەرلەرگە كٶمەكتەسۋدە. ولار ورتا جەنە كٸشٸ مەديتسينا قىزمەتكەرلەرٸنٸڭ جۇمىسىن ورىندايدى, دەپ حابارلايدى "ۇلت اقپارات".
اعا ەرٸپتەستەرٸنە كٶمەكتەسۋ تۋرالى شەشٸمدٸ ستۋدەنتتەر قيىن كەزەڭدە ٶز ەرٸكتەرٸمەن قابىلداعان. ينتەرندەردٸڭ بٸر بٶلٸگٸ ەرٸكتٸ نەگٸزدە ستاتسيونارلاردا ۆولونتەرلەر رەتٸندە جۇمىس ٸستەيدٸ. باسقالارى ناۋقاستارعا ٷيگە بارىپ, ەمحانالاردا فەلدشەرلەر جۇمىسىن ورىندايدى.
ستۋدەنتتەر 15 كٷندٸك ۆاحتامەن جۇمىس ٸستەيدٸ. 7-شٸ كۋرس ينتەرنٸ مادييار ارعىنباەۆ ٶزٸنٸڭ العاشقى ۆاحتاسىن ماۋسىم ايىندا پروفەسسور ح.ج. ماقاجانوۆ اتىنداعى كٶپسالالى اۋرۋحانادا جانساقتاۋ جەنە قارقىندى تەراپييا بٶلٸمٸندە اعا مەديتسينالىق رەتٸندە ٶتكٸزدٸ. سودان كەيٸن قاراعاندى قالاسىنىڭ №2 كٶپسالالى اۋرۋحاناسى بازاسىندا ينفەكتسييالىق ستاتسيوناردا جۇمىس ٸستەي باستادى. مادييار رەزيدەنتۋراعا تٷسۋدٸ جوسپارلاپ وتىر. جاس جٸگٸت كارديوحيرۋرگ بولعىسى كەلەدٸ.
مادييارمەن بٸرگە سول اۋرۋحانادا مەيٸربيكەنٸڭ مٸندەتٸن ونىڭ كۋرستاسى انار ەلەۋوۆا دا اتقارۋدا.
«مەنٸڭ مٸندەتٸم - پاتسيەنتتەرگە كٷتٸم جاساۋ, تاعايىنداۋلاردى, مانيپۋلياتسييالاردى ۋاقىتىلى ورىنداۋ, باقىلاۋ پاراعىن جٷرگٸزۋ. وسى قيىن كەزەڭدە ەلگە كٶمەكتەسكەنٸمە قۋانىشتىمىن. ەڭ جاقسى كٷندەر الدا ەكەنٸنە سەنەمٸن», - دەيدٸ انار.
كەيبٸر ستۋدەنتتەر ەرٸكتٸ نەگٸزدە اۋىلدىق كلينيكالارعا اتتاندى. مىسالى, مەديتسينا ۋنيۆەرسيتەتٸنٸڭ 5-شٸ كۋرسىن بٸتٸرگەن سانات كۋشەنوۆ پاۆلودار وبلىسىنىڭ مايقايىڭ اۋىلىنا كەتتٸ. وندا ول سانيتار بولىپ جۇمىس ٸستەيدٸ.
«بٸزدٸڭ ستۋدەنتتەرٸمٸز وسىنداي قيىن ۋاقىتتا ەلٸنە ٶز ەركٸمەن كٶمەك كٶرسەتۋدٸ شەشكەنٸنە قۋانىشتىمىز. بۇل قانداي دەرٸگەرلەر بۋىنىن تەربيەلەپ جاتقانىمىزدى كٶرسەتەدٸ», - دەپ اتاپ ٶتتٸ مەديتسينا ۋنيۆەرسيتەتٸنٸڭ باسپاسٶز حاتشىسى تاتيانا ۋليچەۆا.
