Foto: QR DSM
Joba Aziialyq damý bankiniń qoldaýymen MJÁ sheńberinde iske asyrylýda jáne halyqaralyq kontsessiialyq model boiynsha salynyp jatqan Qazaqstandaǵy alǵashqy ýniversitettik aýrýhana bolady, dep habarlaidy Ult.kz.
Klinika Qaraǵandy meditsina ýniversitetiniń bazasynda qurylady. Bilim berý, ǵylymi jáne klinikalyq qyzmetti biriktire otyryp, ol meditsina kadrlaryn daiarlaý jáne densaýlyq saqtaýda innovatsiialardy engizý úshin zamanaýi platforma bolady. Jyl saiyn onyń infraqurylymyna 9 myńnan astam stýdent qol jetkize alady.
Densaýlyq saqtaý ministri Aqmaral Álnazarova ýniversitettik aýrýhananyń qurylysy meditsinalyq bilim berýdi damytýdaǵy jáne halyqqa kómek kórsetý sapasyn arttyrýdaǵy mańyzdy qadam bolatynyn atap ótti.
«Qaraǵandydaǵy ýniversitettik aýrýhananyń jobasy biregei alańǵa ainalady. Ol kadrlyq áleýetti nyǵaitady jáne óńirde sapaly meditsinalyq kómektiń qoljetimdiligin arttyrady».
Joba MJÁ-niń 20 jyldyq kelisimshartyn qarastyrady, onyń sheńberinde jeke áriptes klinikany jobalaý, salý, jabdyqtaý jáne paidalaný úshin jaýap beredi, sodan keiin qyzmet kórsetedi.
Densaýlyq saqtaý ministrliginde ótken konkýrstyń birinshi kezeńiniń qorytyndysy boiynsha qatysýǵa tórt ótinim tústi. Bul investorlardyń eldegi densaýlyq saqtaý infraqurylymyn damytýǵa degen joǵary qyzyǵýshylyǵyn rastaidy.
Jobany iske asyrý Densaýlyq saqtaý infraqurylymyn damytýdyń 2024-2030 jyldarǵa arnalǵan tujyrymdamasyna sáikes júzege asyrylady.
