فوتو: قر دسم
جوبا ازييالىق دامۋ بانكٸنٸڭ قولداۋىمەن مجە شەڭبەرٸندە ٸسكە اسىرىلۋدا جەنە حالىقارالىق كونتسەسسييالىق مودەل بويىنشا سالىنىپ جاتقان قازاقستانداعى العاشقى ۋنيۆەرسيتەتتٸك اۋرۋحانا بولادى, دەپ حابارلايدى Ult.kz.
كلينيكا قاراعاندى مەديتسينا ۋنيۆەرسيتەتٸنٸڭ بازاسىندا قۇرىلادى. بٸلٸم بەرۋ, عىلىمي جەنە كلينيكالىق قىزمەتتٸ بٸرٸكتٸرە وتىرىپ, ول مەديتسينا كادرلارىن دايارلاۋ جەنە دەنساۋلىق ساقتاۋدا يننوۆاتسييالاردى ەنگٸزۋ ٷشٸن زاماناۋي پلاتفورما بولادى. جىل سايىن ونىڭ ينفراقۇرىلىمىنا 9 مىڭنان استام ستۋدەنت قول جەتكٸزە الادى.
دەنساۋلىق ساقتاۋ مينيسترٸ اقمارال ەلنازاروۆا ۋنيۆەرسيتەتتٸك اۋرۋحانانىڭ قۇرىلىسى مەديتسينالىق بٸلٸم بەرۋدٸ دامىتۋداعى جەنە حالىققا كٶمەك كٶرسەتۋ ساپاسىن ارتتىرۋداعى ماڭىزدى قادام بولاتىنىن اتاپ ٶتتٸ.
«قاراعاندىداعى ۋنيۆەرسيتەتتٸك اۋرۋحانانىڭ جوباسى بٸرەگەي الاڭعا اينالادى. ول كادرلىق ەلەۋەتتٸ نىعايتادى جەنە ٶڭٸردە ساپالى مەديتسينالىق كٶمەكتٸڭ قولجەتٸمدٸلٸگٸن ارتتىرادى».
جوبا مجە-نٸڭ 20 جىلدىق كەلٸسٸمشارتىن قاراستىرادى, ونىڭ شەڭبەرٸندە جەكە ەرٸپتەس كلينيكانى جوبالاۋ, سالۋ, جابدىقتاۋ جەنە پايدالانۋ ٷشٸن جاۋاپ بەرەدٸ, سودان كەيٸن قىزمەت كٶرسەتەدٸ.
دەنساۋلىق ساقتاۋ مينيسترلٸگٸندە ٶتكەن كونكۋرستىڭ بٸرٸنشٸ كەزەڭٸنٸڭ قورىتىندىسى بويىنشا قاتىسۋعا تٶرت ٶتٸنٸم تٷستٸ. بۇل ينۆەستورلاردىڭ ەلدەگٸ دەنساۋلىق ساقتاۋ ينفراقۇرىلىمىن دامىتۋعا دەگەن جوعارى قىزىعۋشىلىعىن راستايدى.
جوبانى ٸسكە اسىرۋ دەنساۋلىق ساقتاۋ ينفراقۇرىلىمىن دامىتۋدىڭ 2024-2030 جىلدارعا ارنالعان تۇجىرىمداماسىنا سەيكەس جٷزەگە اسىرىلادى.
