Qaraǵandy farmatsevtika kesheninde Spýtnik V vaktsinasynyń qosymsha 1,7 mln dozasy óndirildi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Halyqty koronavirýsqa qarsy vaktsinatsiialaý jalǵasyp jatyr. Búginde shamamen 3 mln vaktsina dozasy qoldanyldy. Onyń ishinde 1 komponentpen 2 015 053 adam ekpe aldy. Bul halyqtyń ekpe alýy tiis sanatynyń 20 paiyzyn quraidy. Ekinshi komponentpen 949 802 adam qambyldy», - dedi Aleksei Tsoi.
Onyń atap ótýinshe, búginde ekpe salý pýnktterinde vaktsina dozasy jetkilikti. Atap aitqanda, shamamen 320 myń birinshi komponent, 650 myń ekinshi komponent bar.
«Buǵan qosym, Qaraǵandy farmatsevtika kesheni Spýtnik V vaktsinasynyń qosymsha 1,7 mln dozasyn óndirdi jáne kestege sáikes óńirlerge jetkiziletin bolady», - dedi Densaýlyq saqtaý ministri.
