Qaraǵandyda roýpdjampingte qaitys bolǵan 33 jastaǵy áieldiń ólimi boiynsha basty sot otyrysy bastaldy, - dep habarlaidy Tengrinews.kz tilshisi.
Qylmystyq is sýdia Manat Jumaqaevanyń tóraǵalyǵymen Qazybek bi aýdandyq sotynda qaralyp jatyr. Kúdikti retinde 32 jastaǵy attraktsion nusqaýshysy bar. Oǵan QR QK 306-babynyń 3-bóligi "abaisyzda adam ólimine ákep soqqan, tutynýshylardyń ómiri men densaýlyǵy qaýipsizdiginiń talaptaryna jaýap bermeitin jumystardy oryndaý ne qyzmetter kórsetý" boiynsha aiyp taǵyldy.
Sottalýshynyń advokaty isti prokýrorǵa qaitarý týraly ótinish bildirdi. Ol sottalýshy roýpdjampingtiń uiymdastyrýshysy emes ekenin, sonymen qatar FLY Kazakhstan JShS-de jumys istemegenin, tek Ilichevke kómekteskenin aitty. Sondai-aq, advokat bul is QR QK-niń "abaisyzda ólim keltirý" 104-babyna qaita saralanýy tiis ekenin atap ótti.
