Qaraǵandy qalasy ákimdiginiń sharýashylyq bóliminiń basshysy eki jylǵa sottaldy. Ol ákimdik ǵimaratynyń tórtinshi qabattaǵy terezesinen qulap ketken jumysshynyń ólimine kináli dep tanyldy, dep habarlaidy QazAqparat.
Qaiǵyly oqiǵa biylǵy 19 sáýirde bolǵan edi. Qaraǵandy qalasy ákimdiginiń tórtinshi qabatynda slesar jóndeý jumystaryn bastamaqshy bolǵan. Ol aldymen qaýipsizdik belbeýin taǵyp, terezeniń aldyna shyǵa bergende, aiaǵy taiyp ketken. Alaida jumyskerdiń qaýipsizdik belbeýi úzilip ketip, ol jerge qulaǵan. Alǵan jaraqatynan qaza boldy.
Osy is boiynsha Qazybek bi aýdandyq soty jumysshyǵa sapasyz saqtandyrý trosyn bergeni úshin qalalyq ákimdiktiń sharýashylyq bólim meńgerýshisin kináli dep tapty.
«Qylmystyq is sotqa protsessýaldyq kelisimmen kelip tústi. Sottalýshyǵa QR QK-niń 156-baby 3-bóligi «Abaisyzda adam ólimine ákep soqqan qaýipsizdik tehnikasy erejelerin buzý» boiynsha aiyp taǵyldy. Oǵan 2 jyl bas bostandyǵyn shekteý jazasy taǵaiyndaldy», - dep habarlady Qazybek bi aýdandyq sotynan.
